ଫୁଲବାଣୀ: ଉତ୍କଳମଣି ଗୋପବନ୍ଧୁ ଦାସ ଏବଂ ଉତ୍କଳ ଗୌରବ ମଧୁସୁଦନ ଦାଶଙ୍କୁ ମରୋଣତ୍ତର ଭାରତ ରତ୍ନ ପ୍ରଦାନ କରାଯିବା ଦାବି କରି ଫୁଲବାଣୀ ଠାରୁ ଜନଶକ୍ତି ପାଟି ପକ୍ଷରୁ ଆରମ୍ଭ ହୋଇଛି ଦସ୍ତଖତ ଅଭିଯାନ କାର୍ଯ୍ୟକ୍ରମ। ଏହା ସମଗ୍ର ରାଜ୍ୟରେ ଚାଲିବ ଓ ପ୍ରାୟ ୧୦ ଲକ୍ଷ ଦସ୍ତଖତ ସମ୍ମଳିତ ଦାବିପତ୍ର ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ପ୍ରଦାନ କରାଯିବ ବୋଲି ପାର୍ଟି ପକ୍ଷରୁ କୁହାଯାଇଛି। ରାଜ୍ୟର ଫୁଲବାଣୀ ମଧ୍ୟସ୍ଥଳରେ ଅବସ୍ଥିତ ଥିବାରୁ ଫୁଲବାଣୀ ସଦର ମହକୁମା ଠାରୁ ଏହି ଦସ୍ତଖତ ଅଭିଯାନର ଶୁଭାରମ୍ଭ ପାଟି ପକ୍ଷରୁ ସ୍ଥାନୀୟ ଗୋପବନ୍ଧୁଙ୍କ ପ୍ରତମୂର୍ତ୍ତି ଠାରୁ ଆରୁ ଆରମ୍ଭ ହୋଇଛି। ମଧୁ ଜୟନ୍ତୀ ପର୍ଯ୍ୟନ୍ତ ବିଭିନ୍ନ ସମୟରେ ରାଜ୍ୟର ବିଭିନ୍ନ ଅଞ୍ଚଳରେ ଏହି ଅଭିଯାନ ଜାରି ରହିବ ବୋଲି ଜନଶକ୍ତି ପାର୍ଟିର ରାଜ୍ୟ ସଭାପତି ପ୍ରଦୀପ ଦାସ ପ୍ରକାଶ କରିଛନ୍ତି। ଶନିବାର ଫୁଲବାଣୀ ଗୋପବନ୍ଧ ଛକ ସ୍ଥିତ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପରେ ଏହି ଅଭିଯାନ ଆରମ୍ଭ ହୋଇଛି। ଏଥିରେ ଅନ୍ୟମାନଙ୍କ ମଧ୍ୟରେ ରାଜ୍ୟ ମହିଳା ସଂପାଦିକା ଶ୍ରଦ୍ଧାଞ୍ଜଳୀ ବେହେରା, ଶ୍ରୀକାନ୍ତ ବେହେରା ଓ ଅନ୍ୟମାନେ ଉପସ୍ଥିତ ଥିଲେ।
Comments are closed.