ସିଓ୍ବାନ: ବିହାରରେ ପୁଣି ଭୁଶୁଡ଼ିଲା ପୋଲ। ୧୫ ଦିନ ମଧ୍ୟରେ ଭାଙ୍ଗିଲା ୬ଟି ପୋଲ। ସିୱାନରେ ବୁଧବାର ଆଉ ଏକ ସେତୁ ଧରାଶାୟୀ ହୋଇଛି। ମହାରାଜଗଞ୍ଜ ସବ୍ଡିଭିଜନ୍ ଅନ୍ତର୍ଗତ ପଟେଢା ଓ ଦେଓରିଆ ଗାଁ ମଧ୍ୟରେ ଗଣ୍ଡକ ନଦୀ ଉପରେ ନିର୍ମିତ ୩୫ ବର୍ଷ ପୁରୁଣା ପୋଲର ଗୋଟିଏ ପିଲାର ପ୍ରଥମେ ଦବିଯାଇଥିଲା। ଏହାପରେ ଦେଖୁ ଦେଖୁ ସମ୍ପୂର୍ଣ୍ଣ ପୋଲ ଗଣ୍ଡକ ନଦୀରେ ଲୀନ ହୋଇଯାଇଥିଲା। ଦୁର୍ଘଟଣା ପରେ ଅନେକ ଗାଁ ମଧ୍ୟରେ ଯାତାୟତ ବ୍ୟାହତ ହୋଇଛି। ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଲୋକେ ପୋଲ ନିର୍ମାଣ କାର୍ଯ୍ୟ ଉପରେ ପ୍ରଶ୍ନ ଉଠାଇଛନ୍ତି। ଲୋକଙ୍କ କହିବା କଥା, ଏହି ସେତୁ ୩୫ ବର୍ଷ ପୁରୁଣା। ହଜାର ହଜାର ଲୋକଙ୍କ ପାଇଁ ଏହା ଯାତାୟତର ଏକମାତ୍ର ମାଧ୍ୟମ ଥିଲା। ଯାହା ବର୍ତ୍ତମାନ ସଂପୂର୍ଣ୍ଣ ଭାଙ୍ଗି ଯାଇଛି। ସୌଭାଗ୍ୟବଶତଃ ଏହି ଦୁର୍ଘଟଣାରେ କୌଣସି ଧନଜୀବନ ନଷ୍ଟ ହୋଇନାହିଁ।
ବିହାରରେ ଭୁଶୁଡ଼ି ଚାଲିଛି ଗୋଟିଏ ପରେ ଗୋଟିଏ ପୋଲ, ଭାଙ୍ଗିଲା ୩୫ ବର୍ଷ ପୁରୁଣା ବ୍ରିଜ୍
Popular Categories
Previous article
Next article