ବର୍ଷାରୁ ରକ୍ଷା କରିବ ଏହି ଅଜବ ଉପାୟ, ଭିଡିଓ ଦେଖି ପ୍ରଶଂସା କଲେ ଆନନ୍ଦ ମହିନ୍ଦ୍ରା

ନୂଆଦିଲ୍ଲୀ : ବ୍ୟବସାୟୀ ଆନନ୍ଦ ମହିନ୍ଦ୍ରା ସାମାଜିକ ଗଣମାଧ୍ୟମରେ ସବୁବେଳେ ସକ୍ରିୟ ରୁହନ୍ତି । ସେ ଅନେକ ଭିଡିଓ ସେୟାର କରନ୍ତି ଏବଂ ଯୁବପିଢିଙ୍କୁ ଉତ୍ତମ ବାର୍ତ୍ତା ପ୍ରଦାନ କରିଥାନ୍ତି । ନିକଟରେ ସେ ଏକ ମଜାଦାର ଭିଡିଓ ସେୟାର କରିଛନ୍ତି । ଭିଡିଓରେ ଜଣେ ଯୁବକ ବର୍ଷାରୁ ରକ୍ଷା ପାଇବା ପାଇଁ ଏକ ଉପାୟ ଆପଣାଉଛନ୍ତି, ଯାହାକୁ ଦେଖି ଆନନ୍ଦ ମହିନ୍ଦ୍ରା ପ୍ରଭାବିତ ହୋଇଛନ୍ତି ।

Finally, we’re seeing some consistent rain in Mumbai this monsoon.

Not heavy enough for our liking, but it’s probably time to plan our ‘wardrobe for wetness.’

May be a good idea to think about a ‘wearable’ umbrella

Clever…pic.twitter.com/7pjyFAMJ6O

— anand mahindra (@anandmahindra) June 22, 2024

ଭିଡିଓରେ ନଜର ଆସୁଛି କି ଜଣେ ଯୁବକ ଛତାକୁ ହାତରେ ନଧରି ସ୍କୁଲ ବ୍ୟାଗ୍ ଭଳି କାନ୍ଧରେ ପକାଇଛନ୍ତି । ଏହା ଦ୍ବାରା ସେ ବର୍ଷାରୁ ରକ୍ଷା ପାଇବା ସହ ହାତରେ ଅନ୍ୟ ସାମଗ୍ରୀ ଧରି ମଧ୍ୟ ଯାତାୟତ କରିପାରୁଛନ୍ତି । ଆନନ୍ଦଙ୍କୁ ଏହି ଭିଡିଓ ଖୁବ୍ ପସନ୍ଦ ଆସିଛି । ସେ ସାମାଜିକ ଗଣମାଧ୍ୟମରେ ଏହି ଭିଡିଓକୁ ସେୟାର କରି ଲେଖିଛନ୍ତି କି ମୁମ୍ବାଇରେ ହେଉଥିବା ଲଗାତର ବର୍ଷାରୁ ରକ୍ଷା ପାଇବା ପାଇଁ ଏହି ଉପାୟ ସମସ୍ତେ ଆପଣାଇବା ଉଚିତ୍  ତାଙ୍କର ଏହି ପୋଷ୍ଟକୁ ସମସ୍ତେ ଲାଇକ୍ କରିବା ସହ ସେୟାର କରୁଛନ୍ତି ।