ଧାମରା: ବାଂଶଡା ଥାନା ଅଞ୍ଚଳର ଜଣେ ଯୁବକ ନିଜ ଏୟାର ଗନରୁ ଫଲ୍ସ ଫାୟାରିଂ ଅଭିଯୋଗରେ ଜଣେ ଯୁବକକୁ ଗିରଫ ପରେ କୋର୍ଟ ଚାଲାଣ କରାଯାଇଛି। ବାଂଶଡା ଥାନା ଅଧିନସ୍ଥ ଜଳେଶ୍ୱରପୁର ଗ୍ରାମର ଯୁବକ ନିଜର ଏୟାର ଗନରୁ ଫଲ୍ସ ଫାୟାରିଂ କରିଥିଲେ। ତାଙ୍କ ଏୟାର ଗନରୁ ଫଲ୍ସ ଫାୟାରିଂ ୨ ରାଉଣ୍ଡ କରିଥିବା ବେଳେ କେଉଁଠାରୁ ଗୁଳିର ଶବ୍ଦ ଆସୁଛି ତାହା ଜାଣିବା ପାଇଁ ସ୍ଥାନୀୟ ଅଞ୍ଚଳ ଲୋକେ ଛାନିଆ ହୋଇ ବାଂଶଡା ଥାନାକୁ ଖବର ଦେଇଥିଲେ।
ଖବର ପାଇ ବାଂଶଡା ଥାନା ଅଧିକାରୀ ତୁରନ୍ତ ପହଞ୍ଚି ସ୍ଥାନୀୟ ଲୋକଙ୍କ ସହ ଆଲୋଚନା କରିଥିଲେ ଏବଂ ଏହି ଘଟଣାର ତଦନ୍ତ ଆରମ୍ଭ କରିଥିଲେ। ତଦନ୍ତ ସମୟରେ ଜଳେଶ୍ୱର ପୁର ଗ୍ରାମର ଅଣାକାର ଭୋଳ(୩୮) ନିଜ ଏୟାର ଗନରୁ ୨ ରାଉଣ୍ଡ ଫଲ୍ସ ଫାୟାରିଂ କରିଥିବା ଜଣାପଡ଼ିଥିଲା। ବାଂଶଡ଼ା ପୁଲିସ ଅଣାକାର ଭୋଳକୁ ଥାନା ଆଣି ପଚରାଉଚୁରା କରିଥିଲେ। ଅଣାକାର ସନ୍ତୋଷଜନକ ଉତ୍ତର ଦେଇପାରିନଥିଲା। ଫଳରେ ବାଂଶଡ଼ା ପୁଲିସ ଅଣାକାର ଭୋଳକୁ ଗିରଫ ପରେ କୋର୍ଟ ଚାଲାଣ କରିଥିବା ଜଣାଯାଇଛି।
