ନର୍ଲା: ଘୋଡ଼ାବନ୍ଧ ସରକାରୀ ନୋଡାଲ ହାଇସ୍କୁଲଠାରେ ଶୁକ୍ରବାର ୧୦ତମ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଯାଇଛି । ବରିଷ୍ଠ ପ୍ରଧାନ ଶିକ୍ଷକ କିଶୋର କୁମାର ସାହୁଙ୍କ ଅଧ୍ୟକ୍ଷତାରେ ଆୟୋଜିତ ଏହି ଯୋଗ ଦିବସରେ ଯୋଗ ଶିକ୍ଷକ ଭାବରେ ଅବସରପ୍ରାପ୍ତ ଶିକ୍ଷକ ହର୍ଷବର୍ଦ୍ଧନ ଭୋଇ ଓ ଯୋଗ, ପ୍ରାକୃତିକ ଚିକିତ୍ସା ତାଲିମପ୍ରାପ୍ତ ସଂଗୀତା ଭୋଇ ଯୋଗ ଦେଇଥିଲେ । ନିମନ୍ତ୍ରିତ ଅତିଥି ଭାବରେ ସମାଜ ଖବର କାଗଜର ନର୍ଲା ସମ୍ବାଦଦାତା ମନୋଜ କୁମାର ଷଡ଼ଙ୍ଗୀ ଯୋଗ ଦେଇଥିଲେ । ପ୍ରଥମେ ଈଶ୍ୱର ଆରାଧନା, ପ୍ରଦୀପ ପ୍ରଜ୍ବଳନ ପରେ ଅତିଥି ପରିଚୟ ପ୍ରଦାନ କରି ଯୋଗ ଶିକ୍ଷା ପ୍ରଦାନ କରିଥିଲେ ଯୋଗ ଗୁରୁ । ସମସ୍ତ ଶିକ୍ଷକ/ଶିକ୍ଷୟତ୍ରୀ, ଛାତ୍ରଛାତ୍ରୀ ଯୋଗ ଦେଇ ଯୋଗ କରିଥିଲେ । ଯୋଗ ସମ୍ବନ୍ଧରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ ଯୋଗ ଗୁରୁ ଓ ଅତିଥିମାନେ । ଏହାପରେ ସମସ୍ତେ ଦୈନଦିନ ଜୀବନରେ ଯୋଗ ଓ ପ୍ରାଣାୟାମକୁ ସାମିଲ କରିବା ପାଇଁ ଶପଥ ନେଇଥିଲେ । ସମସ୍ତ ଛାତ୍ରଛାତ୍ରୀ, ବିଦ୍ୟାଳୟର ସମସ୍ତ ଶିକ୍ଷକ/ଶିକ୍ଷୟିତ୍ରୀ ଓ କର୍ମଚାରୀ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ ।
Popular Categories
Previous article
Next article