ଝୁମ୍ପୁରା: ଚମ୍ପୁଆ ରେଞ୍ଜ ଉଖୁଣ୍ଡା ବନାଞ୍ଚଳ ବାରିଆ ଗ୍ରାମରେ ବୁଧବାର ବିଳମ୍ବିତ ରାତିରେ ଏକ ଗୋଠଛଡା ଦନ୍ତା ପଶି ଘର ଭାଙ୍ଗିବା ସହ ଚାଉଳ ଖାଇଯାଇଥିବା ଦେଖିବାକୁ ମିଳିଛି। ଉଖୁଣ୍ଡା ବନପାଳଙ୍କଠାରୁ ମିଳିଥିବା ସୂଚନାରୁ ଜଣାଯାଏ ଯେ, ସଦର ରେଞ୍ଜର ଜଳିପଦା ଜଙ୍ଗଲରେ ରହିଥିବା ଗୋଠଛଡା ଦନ୍ତା ହାତୀ ଉଖୁଣ୍ଡା ବନପାଳ ଅଧିନକୁ ପଶିଥିଲା। ହାତୀଟି ବାରିଆ ଗ୍ରାମରେ ପଶି ବିଜୟ କୁମାର ନାଏକଙ୍କ ଘରର କାନ୍ଥ ଭାଙ୍ଗିବା ସହିତ ଘର ଭିତରେ ଥିବା ଦୁଇ ବସ୍ତା ଚାଉଳ ଖାଇଯାଇଛି। ସେହିପରି ଗ୍ରାମର ସମରା ମୁଣ୍ଡାଙ୍କ କବାଟ ଭାଙ୍ଗି ଦେଇଛି। ବାରିଆ ସ୍କୁଲର ରୋଷେଇ ଘରର କବାଟ ଭାଙ୍ଗି ଦେଇଥିବା ଦେଖିବାକୁ ମିଳିଛି। ବର୍ତ୍ତମାନ ହାତୀଟି ନିଶ୍ଚିନ୍ତପୁର ଜଙ୍ଗଲରେ ଆଶ୍ରୟ ନେଇଛି ବୋଲି ଉଖୁଣ୍ଡା ବନପାଳ ପ୍ରମୋଦ କୁମାର ବେହେରା ସୂଚନା ପ୍ରଦାନ କରିଛନ୍ତି। ରାତିରେ ହାତୀକୁ ଅନ୍ୟତ୍ର ସ୍ଥାନାନ୍ତର କରାଯିବ ବୋଲି ବନପାଳ ପ୍ରକାଶ କରିଛନ୍ତି।
Comments are closed.