ଠାକୁରମୁଣ୍ଡା : ମୟୂରଭଞ୍ଜ ଜିଲା ମହୁଲଡ଼ିହା ଥାନା ଅନ୍ତର୍ଗତ କୁଇଲିପାଳ ଗ୍ରାମରେ ଆଜି ଉପରବେଳା ବଜ୍ରାଘାତ ଘଟି ଜଣେ ନାବାଳିକାର ମୃତ୍ୟୁ ଘଟିଥିବା ବେଳେ ବାପା ଓ ମା ଗୁରୁତର ହୋଇ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି। ବଜ୍ରପାତରେ ମୃତ ନାବାଳିକା ଜଣକ ହେଉଛନ୍ତି ସମବାରୀ ନାଏକ (୧୫) ଏବଂ ଗୁରୁତର ଅବସ୍ଥାରେ ଚିକିତ୍ସିତ ହେଉଥିବା ମୃତକଙ୍କ ବାପା ଖୁଦୁରାଇ ନାଏକ ଓ ମା ଜିରା ନାଏକ ବୋଲି ଜଣାପଡିଛି।
ମିଳିଥିବା ସୂଚନା ଅନୁଯାୟୀ ଦିନ ପ୍ରାୟ ୩.୩୦ ମି ସମୟରେ ପବନବର୍ଷା ସହ ଘଡଘଡି ମାରିଥିଲା।ବର୍ଷା ଆସିବାରୁ ଘରର ପିଣ୍ଡା ଭିଜି ନଯିବା ପାଇଁ ଝିଅ ସମବାରୀ ଏକ ପଲିଥିନ ନେଇ ପିଣ୍ଡାରେ ଝୁଲାଉ ଥିଲେ। ଏହି ସମୟରେ ବାପା ଘର ଭିତରେ ଥିବା ଗୁହାଳରେ ଗାଈ ବଳଦ ଗୁଡିକୁ ବାନ୍ଧି ଫେରୁଥିଲେ। ଏହି ସମୟରେ ବଜ୍ରପାତ ଘଟିବାରୁ ଘର ପିଣ୍ଡାରେ ପଲିଥିନ ଟାଙ୍ଗୁ ଥିବା ଝିଅ ସୋମବରୀ ଘଟଣାସ୍ଥଳରେ ପଡିଯାଇଥିଲେ ।ଏବଂ ପାଖରେ ଥିବା ନାବାଳିକା ର ମା ଓ ବାପା ଗୁରୁତର ହୋଇଥିଲେ।ପରେ ପଡୋଶୀ ମାନେ ଘଟଣାସ୍ଥଳରୁ୩ ଜଣକୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିବା ବେଳେ ଡାକ୍ତର ଝିଅକୁ ମୃତ ଘୋଷଣା କରିଥିଲେ। ଖବର ପାଇ ମହୁଲଡିହା ପୋଲିସ କେସ୍ ନଂ ୮/ ୨୦୨୪ ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପାଇଁ ପଠାଇ ଥିବା ଜଣାପଡିଛି।
