ଫୁଲବାଣୀ :କନ୍ଧମାଳ ଜିଲା ଫିରିଙ୍ଗିଆ ପୁଲିସ ଏକ ଟିଭିଏସ ଏଏକ୍ସଏଲ ମୋପେଟ ଗାଡ଼ିରେ ଗଞ୍ଜେଇ ଚାଲାଣ ଅଭିଯୋଗରେ ପୁଲିସ ଜଣଙ୍କୁ ଗିରଫ କରିଛି। ସମ୍ପୃକ୍ତ ଅଭିଯୁକ୍ତକୁ ଗିରଫ ପରେ ୨୫ କିଲୋ ଗଞ୍ଜେଇ ଜବତ କରିଛି। ଫିରିଙ୍ଗିଆ ଥାନା ଏସଆଇ ଅଜୟ କୁମାର ସାହୁଙ୍କ ନେତୃତ୍ୱରେ ଏସଆଇ ପ୍ରମୋଦ କୁମାର ବେହେରାଙ୍କ ସହ ଏକ ଟିମ ଫୁଲବାଣୀ ବାଲିଗୁଡା ରାସ୍ତାର ବନ୍ଧଗଡ଼ ଗାଁ ନିକଟ ମଣିପଦର ଛକ ଠାରେ ଗାଡି ଯାଞ୍ଚ କରୁଥିଲେ।
ଏହି ସମୟରେ ଫିରିଙ୍ଗିଆ ଠାରୁ ବାଲିଗୁଡା ପଟକୁ ଯାଉଥିବା ଏକ ମୋପେଟ ଗାଡିଟିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ଉକ୍ତ ଗାଡ଼ିର ସାମନା ପଟେ ଏକ ବସ୍ଥାରେ ଗଞ୍ଜେଇ ଭର୍ତ୍ତି ହୋଇଥିବା ଜାଣିବାକୁ ପାଇଥିଲେ। ପରେ ଗାଡି ସହ ଜବତ ଗଞ୍ଜେଇ କରିଥିଲେ। ଅଭିଯୁକ୍ତକୁ ଥାନାକୁ ଆଣି ପୁଲିସ ପଚରା ଉଚୁରା କରିଥିଲା। ଅଭିଯୁକ୍ତ ଜଣକ ଫିରିଙ୍ଗିଆ ଅଞ୍ଚଳରୁ ରୀତିମତ ଭାବରେ ଗଞ୍ଜେଇ ଚାଲାଣ କରୁଥିବା ପୁଲିସ ଆଗରେ ପ୍ରକାଶ କରିଥିଲା।
ଗିରଫ ଅଭିଯୁକ୍ତ ଜଣକ ନୟାଗଡ଼ ଜିଲା ଇଟାମାଟି ଥାନା ଲାଠିପଡା ଗାଁର ବିଜୟ କୁମାର ଡାକୁଆ ବୋଲି ଜଣାପଡ଼ିଛି। ଫିରିଙ୍ଗିଆ ଥାନାରେ ୧୩୦/୨୦୨୪ରେ ଏକ ମାମଲା ରୁଜୁ ହୋଇଛି। ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତି।
Comments are closed.