ନୂଆଦିଲ୍ଲୀ: ଅରୁଣାଚଳ ପ୍ରଦେଶ ଓ ସିକ୍କିମ୍ ବିଧାନସଭା ପାଇଁ ଚାଲିଛି ଭୋଟ୍ ଗଣତି। ଅରୁଣାଚଳର ମୋଟ୍ ୬୦ ଓ ସିକ୍କିମର ୩୨ ବିଧାନସଭା ଆସନ ରହିଛି। ଅରୁଣାଚଳ ପ୍ରଦେଶରେ ୧୦ଟି ଆସନରେ ନିର୍ଦ୍ବନ୍ଦରେ ବିଜେପି ଜିତିସାରିଛି। ଅରୁଣାଚଳରେ ମୋଟ୍ ୫୦ଟି ଆସନରେ ଗଣତି ଜାରି ରହିଥିବାବେଳେ ୨୫ଟି ଆସନରେ ବିଜେପି ଆଗୁଆ ରହିଥିବା ସୂଚନା ମିଳିଛି। ୩୨ ଆସନ ବିଶିଷ୍ଟ ସିକ୍କିମରେ ସିକ୍କିମ୍ କ୍ରାନ୍ତିକାରୀ ମୋର୍ଚ୍ଚା ୩୦ ସିଟ୍ ରେ ଆଗୁଆ ରହିଛି। ସକାଳ ୬ଟାରୁ ଗଣତି ଚାଲିଛି । ପ୍ରାରମ୍ଭିକ ଟ୍ରେଣ୍ଡରେ ଅରୁରାଚଳ ଓ ସିକ୍କିମରେ ବଡ ବିଜୟ ଅଭିମୁଖେ ରହିଛି ଶାସକ ଦଳ। ଅରୁଣାଚଳ ପ୍ରଦେଶରେ ବିଜେପି ଆଗୁଆ ରହିଥିବାବେଳେ ସିକ୍କିମରେ ସିକ୍କିମ୍ କ୍ରାନ୍ତିକାରୀ ମୋର୍ଚ୍ଚା ବଡ ବିଜୟ ଅଭିମୁଖେ ରହିଛି। ୨୦୧୯ରେ ଅରୁଣାଚଳ ପ୍ରଦେଶରେ ବିଜେପି ୪୧ଟି ଆସନରେ ଜିତି ସରକାର ଗଢିଥିଲା। ସେହିପରି ୨୦୧୯ରେ ସିକ୍କିମରେ ଏସକେଏମ୍ ୧୭ଟି ଆସନରେ ଜିତି କ୍ଷମତାକୁ ଆସିଥିଲା ।
Comments are closed.