କରୋନାର ନୂଆ ଭୂତାଣୁ; ଦ୍ରୁତ ଗତିରେ ବଢୁଛି ସଂକ୍ରମଣ

ନୂଆଦିଲ୍ଲୀ: କରୋନାର ନୂଆ ଭୂତାଣୁ FLiRT ଭାରତ, ଆମେରିକା ଏବଂ ସିଙ୍ଗାପୁର ସମେତ ବିଶ୍ୱର ଅନେକ ଦେଶଷର ଚିନ୍ତାର କାରଣ ପାଲଟିଛି। ଭାରତୀୟ SARS-CoV-2 ଜିନୋମିକ୍ସ କନ୍ସୋରଟିୟମ୍‌‌ ଦ୍ୱାରା ଦିଆଯାଇଥିବା ସୂଚନା ଅନୁସାରେ ଦେଶରେ ସଂକ୍ରମିତଙ୍କ ସଂଖ୍ୟା ୩୨୫ରୁ ଅଧିକ ହୋଇଛି। ପ୍ରାରମ୍ଭିକ ଅଧ୍ୟୟନରୁ ଜଣାପଡିଛି ଯେ କରୋନାର ଏହି ନୂଆ ଭୂତାଣୁ ଶରୀରରେ ରୋଗ ପ୍ରତିରୋଧକ ଶକ୍ତିକୁ ସଂକ୍ରମିତ କରି ସଂକ୍ରମଣକୁ ବିସ୍ତାର କରୁଛି। ଏହି କାରଣରୁ କରୋନାକୁ ଏଡାଇବା ପାଇଁ ସ୍ୱାସ୍ଥ୍ୟ ବିଶେଷଜ୍ଞମାନେ ଲୋକଙ୍କୁ ସମସ୍ତ ନିୟମ ସଠିକ୍‌‌ ଭାବରେ ପାଳନ କରିବାକୁ ପରାମର୍ଶ ଦେଉଛନ୍ତି।
ଯୁକ୍ତରାଷ୍ଟ୍ର ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣର ଏକ ରିପୋର୍ଟ ଅନୁସାରେ କରୋନାର ନୂଆ ଭୂତାଣୁ ସ୍ପାଇକ୍‌‌ ପ୍ରୋଟିନ୍‌‌ରେ କିଛି ପରିବର୍ତ୍ତନ ହୋଇଛି। ଯାହା ଏହାର ସଂକ୍ରମଣକୁ ବଢାଇପାରେ। ବିଶେଷଜ୍ଞମାନେ ଆଶଙ୍କା କରିଛନ୍ତି ଯେ ଏହା ଓମିକ୍ରନ୍‌‌ ର ଜେଏନ୍‌‌-୧ ଅପେକ୍ଷା ଅଧିକ ସଂକ୍ରାମକ ହୋଇପାରେ। ବିଶେଷଜ୍ଞ ମାନେ କହିଛନ୍ତି ଯେ ସେମାନଙ୍କ ପରିବର୍ତ୍ତନକୁ ଆଧାର କରି KP.1 ଏବଂ KP.2 କୁ FLiRT ନାମ ଦିଆଯାଇଛି। ସିଙ୍ଗାପୁରରେ ଏହି ନୂଆ ଭୂତାଣୁ ସଂକ୍ରମଣ ସଂଖ୍ୟା ସର୍ବାଧିକ ରହିଛି। ଯେଉମାନଙ୍କ ଠାରେ ସାମାନ୍ୟ ଲକ୍ଷଣ ଦେଖାଯାଉଛି ସେମାନଙ୍କୁ ଚିକିତ୍ସା ପରେ ଆରୋଗ୍ୟ ଲାଭ କରିଥିବା ସେଠାକାର ଡାକ୍ତର ସୂଚନା ଦେଇଛନ୍ତି।