ପଟ୍ଟାଙ୍ଗି : ଆଜି ୨୬ ନଂ ଜାତୀୟ ରାଜପଥରେ ଭାରସାମ୍ୟ ହରାଇ ଗଛକୁ ପିଟି ହୋଇ ଏକ ନଡିଆ ବୋଝେଇ ମିନି ଟ୍ରକ୍ ଦୁର୍ଘଟଣାଗ୍ରସ୍ତ ହେବା ଫଳରେ ଡ୍ରାଇଭରଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି।। ସୂଚନା ମୁତାବକ ପଟାଙ୍ଗି ଥାନା ଅନ୍ତର୍ଗତ ପୁକାଲି ଛକ ନିକଟରେ ପଡୋଶୀ ଆନ୍ଧ୍ର ରାଜ୍ୟରୁ ନଡ଼ିଆ ବୋଝେଇ ହୋଇ ଆସୁଥିବା ମିନି ଟ୍ରକ୍ ନଂ ଏପି୦୭ଟିଜି୯୭୫୯ ଟି ଓଡ଼ିଶାର ଜୟପୁର ଅଭିମୁଖେ ଯାଉଥିବା ସମୟରେ ଭାରସାମ୍ୟ ହରାଇ ଏକ ଗଛକୁ ପିଟିଥିଲା । ଫଳରେ ଘଟଣାସ୍ଥଳରେ ମିନି ଟ୍ରକର ଡ୍ରାଇଭର ଶେଖ ଆରସଜଙ୍କ ମୃତ୍ୟୁ ହୋଇଥିଲା। ଉକ୍ତ ଦୁର୍ଘଟଣାରେ ମିନି ଟ୍ରକର ହେଲପର ଗୁରୁତର ଆହତ ହୋଇଥିବାବେଳେ ତାଙ୍କୁ ଚିକିତ୍ସା ପାଇଁ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପଠାଯାଇଥିଲା । ପୁଲିସର ପ୍ରାଥମିକ ତଦନ୍ତରେ ଜଣାପଡ଼ିଛି କି ଦୁର୍ଘଟଣା ଗ୍ରସ୍ତ ମିନିଟ୍ରକ୍ ଟି ପଡୋଶୀ ଆନ୍ଧ୍ର ରାଜ୍ୟର ହୋଇଥିବା ବେଳେ ନଡ଼ିଆ ଲୋଡ କରି ଜୟପୁର ଯାଉଥିବାବେଳେ କୈଣସି କାରଣରୁ ଭାରସାମ୍ୟ ହରାଇ ଟ୍ରକଟି ପ୍ରଥମେ ଜାତୀୟ ରାଜପଥ କଡରେ ରହିଥିବା ଡିଭାଇଡରକୁ ପିଟିହୋଇ ଗଛକୁ ପିଟିଥିଲା। ।
