ଫୁଲବାଣୀ :ଇଂରାଜୀ ମାଧ୍ୟମରେ ପାଠ ପଢି ଓଡ଼ିଆ ବିଷୟରେ ୧୦୦ରୁ ୧୦୦ ନମ୍ବର ରଖିବା ଏକ ବିରଳ କୃତିତ୍ବ। ଏଭଳି କରି ଦେଖାଇଛନ୍ତି ଫୁଲବାଣୀର କ୍ଷୀରାବ୍ଧୀ ତନୟା। ଫୁଲବାଣୀ ପ୍ଲବିକ ସ୍କୁଲରେ ପଢୁଥିବା କ୍ଷୀରାବ୍ଧୀ ନିକଟରେ ସିବିଏସଇର ଦଶମ ଶ୍ରେଣୀ ପରୀକ୍ଷାରେ ଏଭଳି କୃତିତ୍ବ ହାସଲ କରିଛନ୍ତି। କ୍ଷୀରାବ୍ଧି ୯୪ ପ୍ରତିଶତ ମାର୍କ ରଖି ଦଶମ ପରୀକ୍ଷାରେ ଉତ୍ତୀର୍ଣ୍ଣ ହେବା ସହ ଓଡିଆରେ ୧୦୦ ରୁ ୧୦୦ ନମ୍ବର ରଖି ସମଗ୍ର ଜିଲ୍ଲା ପାଇଁ ଗର୍ବ ଆଣି ପାରିଛନ୍ତି । ବରିଷ୍ଠ ସାମ୍ବାଦିକ ତଥା ଆଇନଜୀବୀ ରଞ୍ଜନ ଦାଶ ଓ ଶିକ୍ଷୟିତ୍ରୀ ମମତା ନାୟକଙ୍କ ଝିଅ କ୍ଷୀରାବ୍ଧୀ ବିଭିନ୍ନ ଗୀତ, ନାଚ, ଓଡ଼ିଆ ଓ ଇଂରାଜୀ ବକ୍ତୃତା ପ୍ରତିଯୋଗିତାରେ ଭାଗ ନେଇ ୨୦୦ରୁ ଉର୍ଦ୍ଧ୍ଵ ମାନପତ୍ର ପାଇ ବିଦ୍ୟାଳୟ ପାଇଁ ସୁନାମ ଅର୍ଜନ କରିଛନ୍ତି । ଭବିଷ୍ୟତରେ ଆଇଏଏସ କିମ୍ବା ଆଇପିଏସ ହେବା ପାଇଁ ଇଚ୍ଛା ଜାହିର କରିଛନ୍ତି କ୍ଷୀରାବ୍ଧୀ।
Popular Categories
Previous article
Next article