ବାରିପଦା: ମୟୂରଭଞ୍ଜ ଜିଲା ବାରିପଦା ସହରକୁ ପଶି ଆସିଛି ବାଘ। ସହର ଭିତରକୁ ଏକ କଲରାପତରିଆ ବାଘ ପଶିଆସିଥିବା ସୂଚନା ମିଳିଛି। ବାଘଟି ସହର ନିକଟ ଭଞ୍ଜପୁର ଅଞ୍ଚଳରେ ବୁଲୁଥିବା ନେଇ ମଧ୍ୟ ସ୍ଥାନୀୟ ଅଞ୍ଚଳବାସୀ ଦେଖିଥିବା କହିଛନ୍ତି। ଖାଦ୍ୟ ଅନ୍ୱେଷଣରେ ବାଘଟି ସହରକୁ ଚାଲିଆସିଥିବା କୁହାଯାଉଛି। ସକାଳୁ ସକାଳୁ କୁକୁର ଭୁକିବାରୁ ସ୍ଥାନୀୟ ଲୋକେ ବାଘକୁ ଦେଖିବାକୁ ପାଇଥିଲେ। ବାଘଟିର ଲମ୍ବ ପ୍ରାୟ ୫ ଫୁଟ ହେବ ବୋଲି ସ୍ଥାନୀୟ ଲୋକେ କହିଛନ୍ତି।
ଅନ୍ୟପଟେ ବାଘ ସହରକୁ ପଶିଆସିଥିବାରୁ ସ୍ଥାନୀୟ ଲୋକେ ଭୟଭୀତ ହୋଇପଡ଼ିଛନ୍ତି। ବାଘକୁ କାବୁ କରିବା ପାଇଁ ଉଦ୍ଧାରକାରୀ ଦଳ ସହିତ ଟ୍ରାଙ୍କୁଲାଇଜର ଟିମ୍ ମଧ୍ୟ ପହଞ୍ଚିଛନ୍ତି। ଏହା ସହିତ ସ୍ଥାନୀୟ ଡିଏଫଓ ମଧ୍ୟ ଖବର ପାଇ ଘଟଣାସ୍ଥଳକୁ ଯାଇଛନ୍ତି। ବାଘକୁ କିପରି ଟ୍ରାଙ୍କୁଲାଇଜ କରାଯାଇ କାବୁ କରାଯିବା ସହିତ ତା’କୁ ଜଙ୍ଗଲରେ ଛଡ଼ାଯିବ ସେ ନେଇ ଅଧିକାରୀମାନେ ଅନୁଧ୍ୟାନ କରୁଥିବା ଜଣାପଡ଼ିଛି। ତେବେ ବର୍ତ୍ତମାନ ସୁଦ୍ଧା ବାଘଟି କାହାର କୌଣସି କ୍ଷତି କରି ନ ଥିବା ସୂଚନା ମିଳିଛି।
Comments are closed.