ବଡ଼ମ୍ବା : ବଡ଼ମ୍ବା ବିଧାନସଭା ଆସନ ପାଇଁ ଶୁକ୍ରବାର ପ୍ରାର୍ଥୀପତ୍ର ଦାଖଲ କରିଛନ୍ତି ବିଜେପି ପ୍ରାର୍ଥୀ ସମ୍ବିତ ତ୍ରିପାଠୀ। ସକାଳେ ବଡମ୍ବା ରାଜବାଟିସ୍ଥିତ ଜଗନ୍ନାଥଙ୍କ ମନ୍ଦିରରେ ପୂଜାର୍ଚ୍ଚନା ଓ ଆର୍ଶୀବାଦ ନେଇ ଗାନ୍ଧିଛକସ୍ଥିତ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ଏହାପରେ ବଡ଼ମ୍ବା ତଥା ନରସିଂହପୁରର ହଜାର ହଜାର ସମର୍ଥକଙ୍କ ସହ ଏକ ବିଶାଳ ଶୋଭାଯାତ୍ରାରେ ବାହାରି ଆଠଗଡ ଯାଇଥିଲେ। ସେଠାରେ ଉପଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଉପଖଣ୍ଡ ନିର୍ବାଚନ ଅଧିକାରୀ ପ୍ରଶାନ୍ତ କୁମାର ତରାଇଙ୍କ ନିକଟରେ ନିଜ ପ୍ରାର୍ଥୀପତ୍ର ଦାଖଲ କରିଥିଛନ୍ତି। ଶୋଭାଯାତ୍ରା ସମୟରେ ବିଭିନ୍ନ ଛକମାନଙ୍କରେ ଦଳୀୟ କାର୍ଯ୍ୟକର୍ତ୍ତାମାନେ ଶ୍ରୀ ତ୍ରିପାଠୀଙ୍କୁ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ।
ପ୍ରଚଣ୍ଡ ଖରାରେ ବହୁସଂଖ୍ୟାରେ ଯୋଗଦେଇଥିବା ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତା ଓ ବଡମ୍ବା ନରସିଂହପୁରର ସମସ୍ତ ଜନସାଧାରଣାଙ୍କୁ ଶ୍ରୀ ତ୍ରିପାଠୀ ନିଜର କୃତଜ୍ଞତା ଜ୍ଞାପନ କରିଛନ୍ତି। ଶୋଭାଯାତ୍ରାରେ ଭାରତୀୟ ଜନତା ପାର୍ଟିର ଜିଲା ସଭାପତି ରାମନାରାୟଣ ମହାନ୍ତି, ଦଳୀୟ ନେତ୍ରୀ ପିଙ୍କି ପ୍ରଧାନ, ବରିଷ୍ଠ ନେତା ସରୋଜ ରଣା, ସୂର୍ଯ୍ୟ କିଶୋର ମହାନ୍ତି, ଚିତ୍ତରଞ୍ଜନ ମିଶ୍ର, ନିରଞ୍ଜନ ଶତପଥି, ସନ୍ତୋଷ କୁମାର ଦେବତା, ଦିଲ୍ଲୀପ ପଣ୍ଡା, ସନତ ମିଶ୍ର, ଅନାମ ସାମଲଙ୍କ ସମେତ ଉଭୟ ବଡମ୍ବା ଓ ନରସିଂହପୁର ଅଞ୍ଚଳର ବହୁ ନେତା, କର୍ମୀ, ଓକିଲ ସଂଘ ସଦସ୍ୟ ଓ ବୁଦ୍ଧିଜୀବୀ ଯୋଗ ଦେଇଥିଲେ ।
Comments are closed.