ଇନ୍ଦୋର: ମଧ୍ୟପ୍ରଦେଶର ଇନ୍ଦୋରରେ କଂଗ୍ରେସକୁ ଶକ୍ତ ଝଟ୍କା ଲାଗିଛି। ଭୋଟଗ୍ରହଣର ଅବ୍ୟବହିତ ପୂର୍ବରୁ କଂଗ୍ରେସର ଇନ୍ଦୋର ଲୋକସଭା ପ୍ରାର୍ଥୀ ଅକ୍ଷୟ କାନ୍ତି ବମ୍ ଦଳ ଛାଡ଼ି ବିଜେପିରେ ଯୋଗଦେଇଛନ୍ତି। ବିଜେପି ନେତା କୈଳାସ ବିଜୟବର୍ଗୀୟ ଏ ସମ୍ପର୍କରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ’ରେ ଏକ ପୋଷ୍ଟ କରି ସୂଚନା ଦେଇଛନ୍ତି।
ଗୁଜରାଟର ସୁରତରେ ବିଜେପି ପ୍ରାର୍ଥୀ ମୁକେଶ ଦଲାଲ ନିର୍ଦ୍ବନ୍ଦରେ ନିର୍ବାଚିତ ହେବା ପରେ ଇନ୍ଦୋରରେ ଏହି ଘଟଣା ଘଟିଛି। ଗତ ସପ୍ତାହରେ ସୁରତ ଆସନରେ ନିର୍ବାଚନ ଲଢ଼ୁଥିବା ୮ ପ୍ରାର୍ଥୀ ବ୍ୟକ୍ତିଗତ କାରଣ ଦର୍ଶାଇ ନିଜ ନିଜ ପ୍ରାର୍ଥିପତ୍ର ପ୍ରତ୍ୟାହାର କରିନେଇଥିଲେ। କଂଗ୍ରେସ ପ୍ରାର୍ଥୀଙ୍କ ନାମାଙ୍କନପତ୍ର ଖାରଜ ହୋଇଯାଇଥିଲା। ଫଳରେ ଏକମାତ୍ର ପ୍ରାର୍ଥୀ ଭାବେ ବିଜେପିର ମୁକେଶ ଏଠାରେ ନିର୍ଦ୍ବନ୍ଦ୍ବରେ ବିଜୟୀ ହୋଇଥିଲେ। ସୂଚନାଯୋଗ୍ୟ, ଗତ ୨୦୧୯ ନିର୍ବାଚନରେ ବିଜେପି ଗୁଜରାଟର ସମସ୍ତ ଲୋକସଭା ଆସନରେ ବିଜୟୀ ହୋଇଥିଲା। ଚଳିତଥର ଦଳ ସୁରତରେ ବର୍ତ୍ତମାନର ସାଂସଦ ଜଦର୍ଶ ଜର୍ଦୋଶଙ୍କୁ ପ୍ରାର୍ଥୀ ନ କରି ନୂଆ ମୁହଁ ମୁକେଶଙ୍କୁ ଟିକେଟ ଦେଇଥିଲା।
Comments are closed.