ନୂଆଦିଲ୍ଲୀ : ଆଗ୍ରା-ଲଖନଉ ଏକ୍ସପ୍ରେସ ୱେରେ ବସ ଡିଭାଇଡର ଭାଙ୍ଗି ରାସ୍ତାର ଆରପଟକୁ ଯାଇ ଆଉ ଏକ ଟ୍ରକ ସହ ଧକ୍କା ହୋଇଛି। ଏହି ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ଘଟିଥିବା ବେଳେ ବସରେ ଥିବା ୪୦ ଯାତ୍ରୀଙ୍କ ସହ ଟ୍ରକ ଚାଳକ,ଅନ୍ୟ କର୍ମଚାରୀ ମଧ୍ୟ ଆହତ ହୋଇଛନ୍ତି। ଗୋରଖପୁରରୁ ଦିଲ୍ଲୀ ଯାଉଥିବା ରାସ୍ତାରେ ଏହି ଦୁର୍ଘଟଣା ଘଟିଛି। ବସ ଚାଳକଙ୍କ ଆଖି ଲାଗି ଯିବାରୁ ପ୍ରଥମେ ଡିଭାଇଡରରେ ପିଟି ହୋଇ ପରେ ଟ୍ରକ ସହ ଧକ୍କା ହୋଇଥିଲା। ସମସ୍ତ ଆହତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ଏଠାରେ ୩୨ ଜଣଙ୍କ ଚିକିତ୍ସା ଜାରି ରହିଛି। ୧୦ ଜଣଙ୍କ ଅବସ୍ଥା ଗୁରୁତର ରହିଛି। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସମସ୍ତ ମୃତାହତଙ୍କୁ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛି।
Popular Categories
Previous article
Next article