ଢେଙ୍କାନାଳ ସଦର: ଅଖିଳ ଭାରତୀୟ କଂଗ୍ରେସ କମିଟିର ମିଡିଆ ସଂଯୋଜକ ଅଜୟ କୁମାର ଦିନିକିଆ ଢେଙ୍କାନାଳ ଗସ୍ତରେ ଆସି ମୋଦି ସରକାର ଏବଂ ନବୀନ ସରକାରଙ୍କୁ ତୀବ୍ର ସମାଲୋଚନା କରିଛନ୍ତି। ଗାନ୍ଧୀ ମନ୍ଦିରସ୍ଥିତ କଂଗ୍ରେସ ଜିଲା କାର୍ଯ୍ୟାଳୟରେ ସମ୍ବାଦିକ ସମ୍ମିଳନୀକୁ ସମ୍ବୋଧିକ କରି ସେ କହିଲେ ଓଡିଶାର ବାସ୍ତବ ସ୍ଥିତି କଣ ଅଛି ଆପଣ ଜାଣିଛନ୍ତି। ରାଜ୍ୟରେ ୨୪ ବର୍ଷ ଶାସନରେ ୩୦/୪୦ ପ୍ରତିଶତ ଯୁବକ ଦାଦନ ଖଟିବାକୁ ଯାଉଛନ୍ତି। ମଣିପୁରରେ ମହିଳାଙ୍କୁ ଯେପରି ଅସମ୍ମାନ କରାଯାଇଛି ତାହା ଭାରତକୁ ବିଶ୍ୱରେ ନିନ୍ଦିତ କରିଛି।
ସେ କହିଛନ୍ତି, ମୋଦି ସରକାରରେ ଦରଦାମ ବୃଦ୍ଧି, ବେରୋଜଗାର ବଢିଛି। ଏଥିରେ ପୁଣି ୪୦୦ ପାର କଥା କହୁଛନ୍ତି। ଏବେ ସମୟ ଆସିଛି ଅବକିବାର ତଡିପାର ବୋଲି ତାତ୍ସଲ୍ୟ କରିଛନ୍ତି ଅଜୟ କୁମାର। କଂଗ୍ରେସ କ୍ଷମତାରୁ ଯିବା ବେଳେ ଗ୍ୟାସ ଦାମ ୪୦୦ ଟଙ୍କା ଥିବା ବେଳେ ଏବେ ୧୨ ଶହ ଟଙ୍କାରେ ପହଞ୍ଚିଛି। ସବୁ ଜିନିଷର ଦାମ ୪ଗୁଣା ବଢିଛି। ମଧ୍ୟବିତ୍, ଗରିବ ପରିବାର ବଞ୍ଚିବ କେମିତି ବୋଲି ସେ ପ୍ରଶ୍ନ କରିଛନ୍ତି।
