ଆଠଗଡ଼: ଆଗାମୀ ନିର୍ବାଚନ ବିଶେଷକରି କଟକ ଲୋକସଭା ଓ ଆଠଗଡ଼ ବିଧାନସଭା ନିର୍ବାଚନ ଷଷ୍ଠ ପର୍ଯ୍ୟାୟରେ ମେ ୨୫ତାରିଖରେ ଅନୁଷ୍ଠିତ ହେବାକୁ ଥିବାବେଳେ ଏ ପର୍ଯ୍ୟନ୍ତ ନିର୍ବାଚନ ବିଜ୍ଞପ୍ତି ପ୍ରକାଶ ପାଇନାହିଁ କିମ୍ବା ନାମାଙ୍କନ ପତ୍ର ଦାଖଲ ହୋଇନାହିଁ। ହେଲେ ଶାସକ ବିଜେଡି ଓ ମୁଖ୍ୟ ବିରୋଧୀ ଦଳ ବିଜେପିର ପ୍ରଚାର ଅଭିଯାନ ଏବେଠାରୁ ଜୋର ଧରିଲାଣି। ଆଠଗଡ଼ରେ ମଙ୍ଗଳବାର ବିଜୁ ଜନତା ଦଳର କଟକ ଲୋକସଭା ପ୍ରାର୍ଥୀ ସନ୍ତୃପ୍ତ ମିଶ୍ର ଏବଂ ଆଠଗଡ଼ ବିଧାୟକ ପ୍ରାର୍ଥୀ ରଣେନ୍ଦ୍ର ପ୍ରତାପ ସ୍ୱାଇଁ ମଙ୍ଗଳବାର ୩ନଂ ଜୋନ ଅଞ୍ଚଳରେ ପ୍ରଚାର ଅଭିଯାନ ଆରମ୍ଭ କରିଛନ୍ତି। ଲୋକସଭା ପ୍ରାର୍ଥୀ ଶ୍ରୀ ମିଶ୍ର ଏବଂ ଆଠଗଡ଼ ବିଧାୟକ ପ୍ରାର୍ଥୀ ତଥା କୃଷିମନ୍ତ୍ରୀ ଶ୍ରୀ ସ୍ୱାଇଁ ସକାଳେ ଧବଳେଶ୍ୱର ଠାରେ ପୂଜାର୍ଚ୍ଚନା କରି ଏକ ବିରାଟ ମଟର ସାଇକଲ ଶୋଭାଯାତ୍ରାରେ ମଞ୍ଚେଶ୍ୱର, କଖଡି, ଅନନ୍ତପୁର, ଧୁରୁଷିଆ, କଟକିଆସାହି, ମେଘା, ରାଜନଗର, ବେଣ୍ଟପଦା ଆଦି ପଞ୍ଚାୟତରେ ପଥପ୍ରାନ୍ତ ସଭା କରି ଅପରାହ୍ନ ୧ଟାରେ ଆଠଗଡ଼ ଏନଏସି ମଧ୍ୟରେ ପରିକ୍ରମା କରି ମହିଳା କଲେଜ ସନ୍ନିକଟ ମିନି ଷ୍ଟାଡିୟମରେ ଏକ ସାଧାରଣ ସଭାରେ ଯୋଗ ଦେଇଥିଲେ। ସେଠାରେ ବ୍ଲକ ବିଜୁ ଜନତା ଦଳ ସଭାପତି ରବୀନ୍ଦ୍ରନାଥ ରାଉତଙ୍କ ପୌରୋହିତ୍ୟରେ ଅନୁଷ୍ଠିତ ସଭାରେ ଉଦ୍ବୋଧନ ଦେଇଥିଲେ।
Popular Categories
Previous article
Next article