ମୁମ୍ବଇ: ଷ୍ଟୁଡିଓ ଗ୍ରୀନ୍ ଏବଂ ସୂର୍ଯ୍ୟା ଶିବକୁମାରଙ୍କ ଦ୍ଵାରା ‘କଙ୍ଗୁଭା’ର ଟିଜର ରିଲିଜ୍ ହେବା ପରଠାରୁ ଦର୍ଶକଙ୍କ ମଧ୍ୟରେ ଚଳଚ୍ଚିତ୍ରକୁ ନେଇ ଏକ ଖାସ୍ ଉତ୍ସାହ ପରିଲକ୍ଷିତ ହୋଇଛି। ଏହି ଦମ୍ଦାର୍ ଟିଜର ଲୋକଙ୍କୁ ଆଶ୍ଚର୍ଯ୍ୟ କରିଛି ଏବଂ ସିନେଜଗତଠାରୁ ଆରମ୍ଭ କରି ପ୍ରଶଂସକଙ୍କ ପର୍ଯ୍ୟନ୍ତ ସମସ୍ତେ ଏହାକୁ ନେଇ ଚର୍ଚ୍ଚା କରୁଛନ୍ତି। ଟିଜରରେ ସୁପରଷ୍ଟାର ସୂର୍ଯ୍ୟାଙ୍କୁ ଜଣେ ସାହସୀ ଯୋଦ୍ଧା ଅବତାରରେ ନଜର ଆସିଥିବାବେଳେ ବବି ଦେଓଲଙ୍କୁ ଭୟଙ୍କର ଖଳନାୟକ ରୂପରେ ଦେଖିବା ଦର୍ଶକଙ୍କ ପାଇଁ ଏକ ଭିନ୍ନ ଅନୁଭୂତି ହେବ। ଫିଲ୍ମ ବିଷୟରେ ଅଧିକ ଜାଣିବାକୁ ଅପେକ୍ଷା କରିଥିବା ଦର୍ଶକଙ୍କ ପାଇଁ ନିର୍ମାତା ଏବେ ଏକ ନୂଆ ପୋଷ୍ଟର ରିଲିଜ୍ କରିଛନ୍ତି।
Where the past and present collide, a new future begins 🗡️#Kanguva 🦅 Releasing 2024 in cinemas worldwide. #HappyTamilNewYear✨@Suriya_offl @DishPatani @thedeol @directorsiva @ThisIsDSP #StudioGreen @GnanavelrajaKe @UV_Creations @KvnProductions @PenMovies #PenMarudhar… pic.twitter.com/4gYskNr5PI
— Studio Green (@StudioGreen2) April 14, 2024
ନିର୍ମାତା ଏକ ବିଶେଷ ଦିନ ଅର୍ଥାତ୍ ତାମିଲ ନବବର୍ଷ ଅବସରରେ ଏହି ପୋଷ୍ଟର ରିଲିଜ୍ କରିଛନ୍ତି। ସାମାଜିକ ଗଣମାଧ୍ୟମରେ ‘କଙ୍ଗୁଭା’ର ପୋଷ୍ଟର ଶେୟାର କରି ଫିଲ୍ମର ନୂଆ ଝଲକ ଦେଖାଇଛନ୍ତି ନିର୍ମାତା। ପୋଷ୍ଟରରେ ସୂର୍ଯ୍ୟାଙ୍କ ୨ଟି ଅବତାର ଦେଖିବାକୁ ମିଳିଛି। ସୂର୍ଯ୍ୟାଙ୍କ ଚରିତ୍ରର ଅତୀତ ଓ ବର୍ତ୍ତମାନର ଝଲକ୍ ଏଥିରେ ନଜର ଆସିଛି। ଏହାକୁ ଶେୟାର କରି ନିର୍ମାତା କ୍ୟାପ୍ସନରେ ଲେଖିଛନ୍ତି, ‘‘ଯେଉଁଠାରେ କାଲି ଓ ଆଜି ମୁହାଁମୁହିଁ ହୁଅନ୍ତି, ସେଠାରେ ନୂତନ ଭବିଷ୍ୟତର ଆରମ୍ଭ ହୋଇଥାଏ। #Kanguva ସାରା ବିଶ୍ଵର ପ୍ରେକ୍ଷାଳୟରେ ୨୦୨୪ରେ ମୁକ୍ତିଲାଭ କରିବ।’’
କଙ୍ଗୁଭାର ଦୁନିଆ ଅସଲି ଏବଂ ତୀବ୍ର ହେବ ଏବଂ ଦର୍ଶକଙ୍କୁ ଏକ ନୂତନ ଭିଜୁଆଲ୍ ଅନୁଭୂତି ଦେବ। ମାନବିକ ଭାବନା, ଦମ୍ଦାର୍ ପ୍ରଦର୍ଶନ ଏବଂ ବଡ଼ ଆକାରରେ ପୂର୍ବରୁ ଦେଖାଯାଇ ନ ଥିବା ଆକ୍ସନ୍ ଦୃଶ୍ୟ ଏହି ଚଳଚ୍ଚିତ୍ରର ବିଶେଷତ୍ଵ।
