ବେଲୁଚିସ୍ତାନ : ପାକିସ୍ତାନର ସିଦ୍ଧ ଓ ବେଲୁଚିସ୍ତାନ ପ୍ରାନ୍ତର ସୀମାବର୍ତ୍ତି ଅଞ୍ଚଳରେ ତୀର୍ଥଯାତ୍ରୀ ଯାଉଥିବା ଏକ ବସ୍ ଖାଇକୁ ଖସି ୧୭ ଜଣଙ୍କ ମୃତ୍ୟୁ ଘଟିଛି। ଏହାସହ ପ୍ରାୟ ୩୮ ଜଣ ଆହତ ହୋଇଛନ୍ତି। ଏହି ଦୁର୍ଘଟଣା ବୁଧବାରର ବୋଲି ଜଣାପଡିଛି। ସମସ୍ତ ଶ୍ରଦ୍ଧାଳୁ ବସରେ ବେଲୁଚିସ୍ତାନର ଖୁଜଦର ଜିଲା ଯାଉଥିଲେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି।
- Advertisement -
ଏହି ଦୁର୍ଘଟଣା ଯେଉଁ ସ୍ଥାନରେ ଘଟିଥିଲା ତାହା କରାଚି ଠାରୁ ୨୦୦ କିଲୋମିଟର ଦୂର। ଏକ ବୁଲାଣି ନିକଟରେ ବସ୍ ଚାଳକ ଯାନ ଉପରୁ ନିୟନ୍ତ୍ରଣ ହରାଇବା କାରଣରୁ ବସ୍ ଖାଇକୁ ଖସି ପଡିଥିଲା। ଖବର ପାଇ ପୁଲିସ ମୃତାହତଙ୍କୁ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛି।
