ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଦ ପଂଚାୟତର ଗୋଖର କୁଦା ଗ୍ରାମରେ ଶ୍ରୀ ଶ୍ରୀ ଗୋଖର ନାଥ ମହାଦେବ, ବୀର ହନୁମାନ, ଗ୍ରାମ୍ୟ ଦେବୀ ମା’ ପଦ୍ମାବତୀଙ୍କ ବିଗ୍ରହ ପ୍ରାଣ ପ୍ରତିଷ୍ଠା ପାଇଁ ମଙ୍ଗଳବାର ଦିନ ବିରାଟ କଳସ ଯାତ୍ରା ଅନୁଷ୍ଠିତ ହୋଇ ଯାଇଛି। ପ୍ରଥମେ ପୁଣ୍ୟତୋୟା ଋଷିକୁଲ୍ୟା ନଦୀରେ ପୂଜାଅର୍ଚ୍ଚନା ପରେ ସେଠାରୁ ମହିଳା ପୁରୁଷ ମାନେ ବାଦ୍ୟ, ବାଜଣା ବଜେଇ କଳସ ଯାତ୍ରା ଆରମ୍ଭ କରିଥିଲେ।
ଗଞ୍ଜାମ ସହର ପରିକ୍ରମା କରି ଶେଷରେ ଯଜ୍ଞସ୍ଥଳରେ ପହଂଚି ଥିଲେ। ବୁଧବାର ସକାଳୁ ଚବିଶି ପ୍ରହର ନାମଯଜ୍ଞ ଆରମ୍ଭ ସହ ଅନ୍ନ ଯଜ୍ଞ, ଘୃତ ଯଜ୍ଞ ହେବାର କାର୍ଯ୍ୟକ୍ରମ ରହିଛି। ଏହି କାର୍ଯ୍ୟକ୍ରମରେ ପଣ୍ଡିତ ଅଶୋକ ଶତପଥୀ, ପୁରୋହିତ ଶଶୀଭୁଷଣ ଶତପଥୀ ପ୍ରମୁଖଙ୍କ ତତ୍ତ୍ୱବଧାନରେ ଯଜ୍ଞ କାର୍ଯ୍ୟ ଆରମ୍ଭ ହୋଇଥିଲା। ସମଗ୍ର ଅଞ୍ଚଳରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। ବିଭିନ୍ନ ଅଞ୍ଚଳରୁ ବହୁ ଭକ୍ତଙ୍କ ସମାଗମ ହେଉଥିବା ଜଣାପଡିଛି। ଆସନ୍ତା ୬ ତାରିଖ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଚାଲିବ ବୋଲି ଗ୍ରାମବାସୀଙ୍କ ଠାରୁ ସୂଚନା ମିଳିଛି। ଗୋଖର କୁଦା ଗ୍ରାମବାସୀ ଏହି କାର୍ଯ୍ୟକ୍ରମ ପରିଚାଳନା କରୁଛନ୍ତି।
Comments are closed.