ନୂଆଦିଲ୍ଲୀ : ଗୁପଚୁପ୍ ସମସ୍ତଙ୍କୁ ପସନ୍ଦ । ଛୋଟ ପିଲା ହେଉ ବା ବୟସ୍କ, ସମସ୍ତେ ଗୁପଚୁପ୍ ଖାଇବାକୁ ଭଲପାଆନ୍ତି । ଏହାକୁ ନେଇ ସାମାଜିକ ଗଣମାଧ୍ୟମରେ ଅନେକ ଫଟୋ ବା ଭିଡିଓ ଭାଇରାଲ ହୋଇଥାଏ । ଏବେ ଏଭଳି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଗୁପଚୁପ୍ ଠେଲା ଅନ୍ୟମାନଙ୍କଠାରୁ ଭିନ୍ନ ଲାଗୁଛି । ଏହାକୁ ଦେଖି ହୁଏତ କେହି ଲୋକ ଗୁପଚୁପ୍ ଖାଇବା ତ ଦୂରର କଥା ଦେଖିଲେ ଘୃଣା କରିପାରନ୍ତି ।
View this post on Instagram
ସାମାଜିକ ଗଣମାଧ୍ୟମରେ ଏକ ଠେଲା ନିକଟରେ କିଛି ଲୋକ ଗୁପଚୁପ୍ ଖାଉଥିବା ଭିଡିଓ ଭାଇରାଲ ହେଉଛି । ଏହାକୁ ଭିନ୍ନ ଢଙ୍ଗରେ ବିକ୍ରି କରୁଛନ୍ତି ଠେଲା ଦୋକାନୀ । ଗୁପଚୁପର ଚକଟା ଆଳୁ ପାଶ୍ଚାତ୍ୟ ଦେଶ କମୋଡ୍ ଆକାରର ଏକ ବାସନରେ ରଖାଯାଇଛି । ଏହା ଚାରିପଟେ ମାଛି, ଅସରପା ଆଦିର ଷ୍ଟିକର ଲଗାଯାଇଛି । ପାଖରେ ଏକ ପାଣି ବାଲଟି ମଧ୍ୟ ରଖାଯାଇଛି ଏବଂ ମଗରେ ଖଟାପାଣି ଦିଆଯାଉଛି । ଏହାକୁ ଦେଖି କେହି ବି ପ୍ରଥମେ ଘୃଣା କରିପାରନ୍ତି କିନ୍ତୁ ସମସ୍ତଙ୍କୁ ଏହାର ସ୍ବାଦ ବହୁତ ଭଲ ଲାଗୁଛି । ସେଥିପାଇଁ ଏଠାରେ ଭିଡ ଜମିଛି । ଇନଷ୍ଟାଗ୍ରାମରେ ଭିଡିଓଟି ଭାଇରାଲ ହେଉଛି । ସମସ୍ତେ ଏହାକୁ ପସନ୍ଦ କରିବା ସହ ଏହାକୁ ସେୟାର କରୁଛନ୍ତି । ଏହାକୁ ପ୍ରାୟ ୩ ଲକ୍ଷରୁ ଅଧିକ ଲୋକ ଦେଖିସାରିଛନ୍ତି ଏବଂ ଅନେକ ଲୋକ ପସନ୍ଦ କରିଛନ୍ତି ।
