ରେଙ୍ଗାଲିକ୍ୟାମ୍ପ: ଅତାବିରା ୫୩ ନମ୍ୱର୍ ଜାତୀୟ ରାଜପଥ କଡ଼ରେ ରହିଛି ଅତାବିରା ଆବାସିକ ମହାବିଦ୍ୟାଳୟ। ଅଞ୍ଚଳର ପ୍ରାୟ ଅଧିକାଂଶ ଛାତ୍ରଛାତ୍ରୀ ଏଠାରେ ପଢୁଛନ୍ତି। ପାଖକୁ ଲାଗି ରହିଛି ନିୟନ୍ତ୍ରିତ ବଜାର। ପ୍ରତିଦିନ ଛାତ୍ରଛାତ୍ରୀଙ୍କ ସମେତ ହଜାର ହଜାର ଲୋକ ଏହି ରାସ୍ତା ଦେଇ ଯିବା ଆସିବା କରୁଛନ୍ତି। ଏହି ମହାବିଦ୍ୟାଳୟ ସମ୍ମୁଖରେ ଥିବା ସହରର ମୁଖ୍ୟ ନାଳ ଫାଟିଯାଇ ଦୁଇଟି ବଡ ଧରଣର ଗର୍ତ୍ତ ସୃଷ୍ଟି ହୋଇ ଦିନକୁ ଦିନ ତାର କାୟା ବୃଦ୍ଧି ପାଇ ଚାଲିଛି। ଅନେକ ଲୋକ ଏହି ଗର୍ତ୍ତରେ ପଡ଼ି ଦୁର୍ଘଟଣାଗ୍ରସ୍ତ ହୋଇ ଅଳ୍ପକେ ବର୍ତ୍ତି ଯାଇଛନ୍ତି। ଏହା ବ୍ୟତୀତ ଏହି ନାଳରେ କୁଢ଼ କୁଢ଼ ମଇଳା ଜମି ଦୁର୍ଗନ୍ଧରେ ଫାଟି ପଡୁଛି ଏବଂ ମଶାମାଛିଙ୍କ ପ୍ରାଦୁର୍ଭାବ ମଧ୍ୟ ବୃଦ୍ଧି ପାଉଛି। ରାସ୍ତା ନିର୍ମାଣକାରୀ ସଂସ୍ଥା ଅଶୋକା ୱିଲକାନର ନିମ୍ନମାନର କାମ ଯୋଗୁଁ ଅଞ୍ଚଳରେ ଅନେକ ସ୍ଥାନରେ ଏମିତି ଅସଜଡା ରାସ୍ତା କାମ ଯୋଗୁଁ ଜନସାଧାରଣ ଅସୁବିଧାର ସମ୍ମୁଖୀନ ହେଉଛନ୍ତି।
Comments are closed.