ନୂଆଦିଲ୍ଲୀ : ଟେସଲାର ପ୍ରତିଷ୍ଠାତା ଏଲନ ମସ୍କ ପ୍ରାୟତଃ ଚର୍ଚ୍ଚାରେ ରୁହନ୍ତି । କିଛି ଦିନ ପୂର୍ବରୁ ସେ ଅବସାଦକୁ ଦୂର କରିବା ପାଇଁ କେଟାମାଇନ୍ ଭଳି ଔଷଧ ବ୍ୟବହାର କରିବା ନେଇ ଚର୍ଚ୍ଚାରେ ଥିଲେ । ଅନେକ ରିପୋର୍ଟରେ କୁହାଯାଇଥିଲା କି ଟେସଲା ଏବଂ ସ୍ପେଶଏକ୍ସର ଅନେକ ବୋର୍ଡ ସଦସ୍ୟ ଏଲନ ମସ୍କଙ୍କ ଏହି ମେଡିସିନ୍ ନେବା ନେଇ ଚିନ୍ତାରେ ଥିଲେ । ସଦସ୍ୟଙ୍କ କହିବାନୁସାରେ ଏହି ମେଡିସିନ୍ ନେବା ଦ୍ବାରା ସ୍ବାସ୍ଥ୍ୟ ଏବଂ ବ୍ୟାପାର ଉପରେ ପ୍ରଭାବ ପଡିପାରେ । କିନ୍ତୁ ଏଲନ କେଟାମାଇନର ବହୁତ ପ୍ରଶଂସା କରିଥିଲେ । ସେ କହିଥିଲେ କି ଏହାକୁ ନେବା ଦ୍ବାରା ସେ ନିଜ କାମରେ ଧ୍ୟାନ ଦେଇପାରୁଛନ୍ତି ।
ଟେସଲାର ସିଇଓ ଏକ ସାକ୍ଷାତକାରରେ କହିଥିଲେ କି କିଛି ଦିନ ହେବ ସେ ଲଗାତର ଖରାପ ସମୟ ଦେଇ ଗତି କରୁଥିଲେ । ସେ ଚାପଗ୍ରସ୍ତ ହୋଇ ରହୁଥିଲେ । ଏଥିରୁ ବାହାରିବାରେ କେଟାମାଇନ୍ ବହୁତ ସାହାଯ୍ୟ କରିଥିଲା । ସେ ପ୍ରତି ୨ ସପ୍ତାହରେ ଥରେ ଏହି ମେଡିସିନ୍ ନେଉଥିଲେ ।
ସେ ଏହା ମଧ୍ୟ କହିଥିଲେ କି କେଟାମାଇନ୍ ବ୍ୟବହାର କରିବା ଦ୍ବାରା ସେ କାମରେ ଧ୍ୟାନ ଦେଇପାରୁଥିଲେ । କାରଣ ସେ ଲଗାତର ଦିନକୁ ୧୬ ଘଣ୍ଟା କାମ କରନ୍ତି । ଏଥିପାଇଁ ତାଙ୍କର କାମରେ ଏକାଗ୍ରତା ନିହାତି ଦରକାର । ସେ ମଦ୍ୟପାନ କିମ୍ବା ଧୂମପାନ ନକରି ମଧ୍ୟ ବିଳମ୍ବିତ ରାତି ପର୍ଯ୍ୟନ୍ତ ଧ୍ୟାନର ସହ କେବଳ କେଟାମାଇନ୍ ଯୋଗୁଁ ହିଁ କାମ କରିପାରୁଥିଲେ ବୋଲି ସୂଚନା ଦେଇଥିଲେ ।
