ନୂତନ ଥାନା କୋଠାକୁ ଉଦଘାଟନ କରିବେ ମୁଖ୍ୟମନ୍ତ୍ରୀ

ଗୋପାଳପୁର : ଆସନ୍ତା ୧୩ ତାରିଖରେ ଗୋପାଳପୁର ଥାନାର ନୂତନ କୋଠାକୁ ଭରଚ୍ୟୁଆଲ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବେ । ଏନେଇ ବ୍ରହ୍ମପୁର ଏସପି ଡା. ଶ୍ରବଣା ବିବେକ ଏମ ଗୋପାଳପୁର ପହଞ୍ଚି ବିଭିନ୍ନ ବିଷୟରେ ଆଲୋଚନା କରିବା ସହ କୋଠା ବୁଲି ଦେଖିଥିଲେ । ସୂଚନା ଅନୁସାରେ ୨୦୨୨ ମସିହାରେ ୩ କୋଟି ୨୮ ଲକ୍ଷ୍ୟ ୯୪ ହଜାର ବ୍ୟୟରେ ଗୋପାଳପୁର ଥାନା ପରିସରରେ ନୂତନ କୋଠା ନିର୍ମାଣ କାର୍ଯ୍ୟ ପୁଲିସ ହାଉସିଂ ବୋର୍ଡ ପକ୍ଷରୁ ଆରମ୍ଭ ହୋଇଥିଲା । ଏହି କୋଠାରେ ଆବଶ୍ୟକ ଥିବା ସମସ୍ତ ସାରଞ୍ଜମ ରହିଛି । ନିର୍ମାଣ କାର୍ଯ୍ୟ ଶେଷ ହେବାରୁ ୧୩ ତାରିଖ ଅପରାହ୍ନରେ ମୁଖ୍ୟମନ୍ତ୍ରୀ ଭରଚ୍ୟୁଆଲ ମାଧ୍ୟମରେ ଉଦଘାଟନ କରିବେ । ଏଥିରେ ସମସ୍ତ ବିଭାଗୀୟ ଅଧିକାରୀ, ବିଧାୟକ, ସାଂସଦ, ସ୍ଥାନୀୟ ଜନପତିନିଧିଙ୍କ ସମେତ ମାନ୍ୟଗନ୍ୟ ବ୍ୟକ୍ତି ଯୋଗ ଦେବା କାର୍ଯ୍ୟକ୍ରମ ରହିଛି।