ଅମେଥି: ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକାରେ କଂଗ୍ରେସ ରାହୁଲ ଗାନ୍ଧୀଙ୍କ ନାମ ୱାୟନାଡରୁ ଲଢିବାକୁ ଘୋଷଣା କରିଛି । ହେଲେ ଉତ୍ତରପ୍ରଦେଶ କଂଗ୍ରେସ ଦଳ ରାହୁଲଙ୍କ ସମର୍ଥନରେ ବାହାରି ତାଙ୍କ ନାମରେ ପୋଷ୍ଟର ଏବଂ ବ୍ୟାନର ମଧ୍ୟ ଲଗାଯାଇଛି । ପୋଷ୍ଟର ଲଗାଇ ଅମେଥିକୁ ଫେରି ଆସ ବୋଲି କହିଛନ୍ତି କଂଗ୍ରେସ ସଦସ୍ୟ । ଆପଣଙ୍କ ବିନା ଅମେଥି ଶୁନ୍ ଶାନ ବୋଲି କହିଛନ୍ତି । ୟୁପି କଂଗ୍ରେସ କାର୍ଯ୍ୟାଳୟ ନିକଟରେ ଏହି ପୋଷ୍ଟର ଲଗାଯାଇଛି । ପୋଷ୍ଟରରେ ଲେଖାଯାଇଛି ଅମେଥି ଆପଣଙ୍କୁ ଡାକୁଛି ଫେରି ଆସ, ଅମେଥିର ବିକାଶ ବନ୍ଦ ହୋଇଛି, ପୁଣି ଥରେ ଆରମ୍ଭ କର । ଅମେଥିରେ ଆପଣ ଏଥର ସୁବଠାରୁ ଅଧିକ ଭୋଟରେ ଜିତିବାର ରେକର୍ଡ ସୃଷ୍ଟି କରିବେ । ସେହିପରି କଂଗ୍ରେସର ପୂର୍ବତନ ଏମଏଲସି ଦୀପକ ସିଂହ ଏକ୍ସ ଆକାଉଣ୍ଟରେ ମଧ୍ୟ ପୋଷ୍ଟ କରି ରାହୁଲ ଗାନ୍ଧୀଙ୍କୁ ଅପେକ୍ଷା କରିଛୁ ବୋଲି କହିଛନ୍ତି ।
Popular Categories
Previous article
Next article