ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ବ୍ଲକର ଗୋଛାପଡ଼ା ଥାନା ଅର୍ନ୍ତଗତ କୋଏରୁମାଣ୍ଡୁ ପଞ୍ଚାୟତର ସରଫିଗୁଡା ଗ୍ରାମର କିଶୋର ବାଳକ ଶରତ ଘିବାଲା ଭୁବନେଶ୍ୱର ଲୋକସେବା ଭବନରେ ଆୟୋଜିତ ରାଜ୍ୟସ୍ତରୀୟ ମହିଳା ଦିବସରେ ମୁଖ୍ୟମନ୍ତ୍ରୀଙ୍କଠାରୁ ପୁରସ୍କୃତ ହୋଇଛନ୍ତି। କନ୍ଧମାଳ ଜିଲା ପ୍ରଶାସନ ଶରତ ଘିବାଲାଙ୍କ ନାମକୁ ସୁପାରିସ କରିଥିଲେ। ସେ ସ୍ୱାତୀ କାର୍ଯ୍ୟ କରୁଥିବା ପ୍ରକଳ୍ପ ଅଂଚଳର ଜଣେ କିଶୋର। ସେ ନିଜେ ତାର ଭଉଣୀର ବାଲ୍ୟ ବିବାହକୁ ୩ ବର୍ଷ ତଳେ ବନ୍ଦକରି ଅଞ୍ଚଳରେ ଚର୍ଚ୍ଚାରେ ଥିଲେ। ତା’ପରେ ସବୁ ସମୟରେ ନିଜ ଭଉଣୀ ସହ ମିଶି ବାଲ୍ୟବିବାହ ବନ୍ଦ କରିବାରେ ନିଜ ଚେଷ୍ଟା ଜାରି ରଖିଛନ୍ତି। ଛୋଟ ପିଲାଙ୍କୁ ପଢ଼ାଇବା ଆଦି କାମ କରି ସମସ୍ତଙ୍କର ଆଦରର ପାତ୍ର ହୋଇଛନ୍ତି ଶରତ। ସେ ବର୍ତ୍ତମାନେ ଫିରିଙ୍ଗିଆ ମହାବିଦ୍ୟାଳୟରେ ଯୁକ୍ତ ଦୁଇରେ ଅଧ୍ୟୟନରତ। ଏହି ସଫଳତା ତାଙ୍କ ଆତ୍ମବିଶ୍ୱାସକୁ ବହୁଗୁଣିତ କରିଛି। ପୁରସ୍କାର ବିତରଣ ଉତ୍ସବରେ ଜିଲା ସମାଜ ମଙ୍ଗଳ ଅଧିକାରୀ ଶରୋଜବାଳା ଆଚାର୍ଯ୍ୟ ଓ କାର୍ଯ୍ୟକ୍ରମ ଅଧିକାରୀ କ୍ରିଷ୍ଣା ପଣ୍ଡା ଜିଲାରୁ ପ୍ରତିନିଧିତ୍ୱ କରିଥିଲେ। ସଫଳତା ପାଇଁ ଶରତ ଜିଲା ପ୍ରଶାସନ ଓ ସ୍ୱାତୀ ଅନୁଷ୍ଠାନ, ଫିରିଙ୍ଗିଆ ସିଡିପିଓ ହରପ୍ରିୟା ମେହେର, ଆକ୍ସନଏଡର ସନ୍ଧ୍ୟାରାଣୀ ନାୟକ, ଜିଲା ଶିଶୁ ଅଧିକାରୀ ରଶ୍ମିତା କରଣ ଓ କ୍ରାଏଙ୍କୁ କୃତଜ୍ଞତା ଜଣାଇଛନ୍ତି। ଶତରଙ୍କ ଏହି ସଫଳତା ଅନ୍ୟ କିଶୋର ଓ କିଶୋରୀଙ୍କ ପାଇଁ ଏକ ପ୍ରେରଣା ହେବ ବୋଲି ସ୍ୱାତୀର କର୍ମୀ ପ୍ରଦୀପ କୁମାର ସ୍ୱାଇଁ ମତ ଦେଇଛନ୍ତି।
Comments are closed.