ଡେସ୍କ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ୯୪ ଜଣ ବିଶିଷ୍ଟ କଳାକାରଙ୍କୁ ୨୦୨୨ ଓ ୨୦୨୩ ବର୍ଷ ପାଇଁ ସଙ୍ଗୀତ ନାଟକ ଏକାଡେମୀ ପୁରସ୍କାର ପ୍ରଦାନ କରିଛନ୍ତି। ସଙ୍ଗୀତ, ନୃତ୍ୟ, ନାଟକ, ଲୋକ ଓ ଆଦିବାସୀ କଳା, ପୁତୁଳି କଳା ଓ ଆନୁଷଙ୍ଗିକ ନାଟ୍ୟ କଳା କ୍ଷେତ୍ରରେ ଏହି ପୁରସ୍କାର ପ୍ରଦାନ କରାଯାଇଥିଲା। ଏକାଡେମୀ ପୁରସ୍କାର ବ୍ୟତୀତ ରାଷ୍ଟ୍ରପତି ମୁର୍ମୁ ଏହି ଉତ୍ସବରେ ୭ ଜଣ ବିଶିଷ୍ଟ କଳାକାରଙ୍କୁ ସଙ୍ଗୀତ ନାଟକ ଏକାଡେମୀ ଫେଲୋସିପ୍ (ଏକାଡେମୀ ରତ୍ନ) ପ୍ରଦାନ କରିଥିଲେ। ଏହି ଅବସରରେ ରାଷ୍ଟ୍ରପତି କହିଥିଲେ ଯେ ଭାରତର ସଂସ୍କୃତି ଓ ପରମ୍ପରାରେ ଅଭିନୟ କଳାର ଗୁରୁତ୍ୱପୂର୍ଣ୍ଣ ସ୍ଥାନ ରହିଛି। ସେ କହିଛନ୍ତି ଯେ ପ୍ରାଚୀନ କାଳରୁ ଦେଶରେ କଳାକୁ ଉଚ୍ଚ ସମ୍ମାନ ଦିଆଯାଉଛି।
ସଂଗୀତ ନାଟକ ଏକାଡେମୀ ଫେଲୋସିପ୍ ହେଉଛି କଳା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପ୍ରଦାନ କରାଯାଉଥିବା ସର୍ବୋଚ୍ଚ ସମ୍ମାନ। ଏହି ସମ୍ମାନ କେବଳ ଶ୍ରେଷ୍ଠତା ଏବଂ ସଫଳତାର ସର୍ବୋଚ୍ଚ ମାନଦଣ୍ଡର ପ୍ରତୀକ ନୁହେଁ, ବରଂ ନିରନ୍ତର ବ୍ୟକ୍ତିଗତ କାର୍ଯ୍ୟ ଏବଂ ଅବଦାନକୁ ମଧ୍ୟ ସ୍ୱୀକୃତି ଦେଇଥାଏ। ଏକାଡେମୀ ଫେଲୋଙ୍କ ସମ୍ମାନରେ ୩ ଲକ୍ଷ ଟଙ୍କାର ଅର୍ଥ ରାଶି ଥିବା ବେଳେ ଏକାଡେମୀ ପୁରସ୍କାର ବାବଦରେ ଏକ ଲକ୍ଷ ଟଙ୍କା ରହିଛି।
Comments are closed.