ବୈଜୟନ୍ତୀମାଲାଙ୍କୁ ଭେଟି ଖୁସି ହେଲେ ପ୍ରଧାନମନ୍ତ୍ରୀ; ହାତଯୋଡି କଲେ ନମସ୍କାର

ନୂଆଦିଲ୍ଲୀ: ଅଭିନେତ୍ରୀ ବୈଜୟନ୍ତୀମାଲାଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ୯୦ ବର୍ଷ ବୟସରେ ନିକଟରେ ଅଯୋଧ୍ୟାରେ ଭାରତନାଟ୍ୟମ୍‍ ନୃତ୍ୟ ପରିବେଷଣ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ବୈଜୟନ୍ତିମାଲା । ଚେନ୍ନାଇରେ ମୋଦୀ ତାଙ୍କୁ ଭେଟିବା ସହ ହାତ ଯୋଡି ନମସ୍କାର କରିଥିବାର ଏକ ଫଟୋ ପ୍ରଧାନମନ୍ତ୍ରୀ ତାଙ୍କ ଅଫିସିଆଲ ଏକ୍ସ ଆକାଉଣ୍ଟରେ ସେୟାର କରିଛନ୍ତି । ପଦ୍ମଭୂଷଣରେ ସମ୍ମାନୀତ ବୈଜୟନ୍ତିମାଲାଙ୍କୁ ଭେଟି ଖୁସି ଅନୁଭବ କରିଛନ୍ତି ପ୍ରଧାନମନ୍ତ୍ରୀ । ବୈଜୟନ୍ତିମାଲାଙ୍କୁ ପ୍ରଶଂସା କରିବା ସହ ମୋଦୀ କହିଛନ୍ତି ଯେ ଏହି ମହାନ ଅଭିନେତ୍ରୀଙ୍କ ଭାରତୀୟ ସିନେମା ଜଗତରେ ଅବଦାନ ପାଇଁ ପ୍ରଶଂସିତ ହୋଇଛନ୍ତି । ଭାରତୀୟ ସିନେମା ଜଗତରେ ତାଙ୍କର ଆଦର୍ଶ ଅବଦାନ ପାଇଁ ନିକଟରେ ତାଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନୀତ କରାଯାଇଥିଲା । ମାତ୍ର ୧୬ ବର୍ଷ ବୟସରୁ ତାମିଲ ଫିଲ୍ମରେ ଅଭିନୟ ଆରମ୍ଭ କରିଥିଲେ ବୈଜୟନ୍ତିମାଲା ।

Glad to have met Vyjayanthimala Ji in Chennai. She has just been conferred the Padma Vibhushan and is admired across India for her exemplary contribution to the world of Indian cinema. pic.twitter.com/CFVwp1Ol0t

— Narendra Modi (@narendramodi) March 4, 2024