କଣ୍ଟାବାଞ୍ଜି : ବଙ୍ଗମୁଣ୍ଡା ଥାନା ଅଞ୍ଚଳରେ ଜଣେ ମହିଳାଙ୍କୁ ଦୁଷ୍କର୍ମ ମାମଲାର ବିଚାର କରି ଅଭିଯୁକ୍ତ ବାଲିଖମାର ଗାଁର ଯୁବକ ବିରଞ୍ଚି ଖରସେଲଙ୍କୁ ୧୨ ବର୍ଷ ସଶ୍ରମ କାରାଦଣ୍ଡ ସହ ୫୫ ହଜାର ୫୦୦ ଟଙ୍କା ଜୋରିମାନା ରାୟ ଶୁଣାଇଛନ୍ତି କଣ୍ଟାବାଞ୍ଜି ଅତିରିକ୍ତ ଜିଲ୍ଲା ଦୌରାଜଜ ହିମାଂଶୁ ଶେଖର ମଲ୍ଲିକ । ଜୋରିମାନା ପୈଠ ନକଲେ ୩ଟି ପୃଥକ ଦଫାରେ ଅଧିକ ୨ ବର୍ଷ ୩ ମାସ ୭ ଦିନ କାରାଦଣ୍ଡ ଶୁଣାଇଛନ୍ତି ଅତିରିକ୍ତ ଦୌରାଜଜ । ପ୍ରାପ୍ତ ସୂଚନା ମତେ ୨୦୨୧ ମସିହା ମେ ମାସ ୨୫ ତାରିଖ ଅପରାହ୍ନ ୨ଟା ସମୟରେ ବାଲିଖମାର ଗାଁର ଜୈନେକ ମହିଳା ନିଜ ଚାଷ ଜମିକୁ ଶୌଚ ହେବା ପାଇଁ ଯାଇଥିବାବେଳେ ବିରଞ୍ଚି ଖରସେଲ ତାଙ୍କୁ ଦୁଷ୍କର୍ମ କରିବା ନେଇ ଥାନାରେ ଲିଖିତ ଅଭିଯୋଗ କରିଥିଲେ ମହିଳା । ଏହି ମାମଲାର ବିଚାର କରି ୧୦ ବର୍ଷ ସଶ୍ରମ କାରାଦଣ୍ଡ ସହ ୫୦ ହଜାର ଟଙ୍କା ଜୋରିମାନା, ଅନାଦେୟ ଅଧିକ ୨ ବର୍ଷ କାରାଦଣ୍ଡ, ଦଫା ୫୦୬ ରେ ୨ ବର୍ଷ ସଶ୍ରମ କାରାଦଣ୍ଡ ୫ ହଜାର ଟଙ୍କା ଜୋରିମାନା, ଅନାଦେୟ ୩ ମାସ ଅଧିକ ଜେଲ, ଦଫା ୩୪୧ ରେ ୧ ମାସ ଜେଲ, ୫୦୦ ଟଙ୍କା ଜୋରିମାନା, ଅନାଦେୟ ୭ ଦିନ ଅଧିକ ଜେଲ ଦଣ୍ଡ ଶୁଣାଇଛନ୍ତି ଅତିରିକ୍ତ ଦୌରାଜଜ ।
Comments are closed.