ଡେସ୍କ: କେତେକ ଲୋକ ସେଲ୍ଫି ନେବାକୁ ଏତେ ପସନ୍ଦ କରନ୍ତି ଯେ ସେମାନେ ସବୁ ସ୍ଥାନରେ ଏବଂ ସବୁ ପରିସ୍ଥିତିରେ ସେଲ୍ଫି ନେଇଥା’ନ୍ତି। ତେବେ ବେଳେବେଳେ କ୍ୟାମେରାରେ ଏପରି କିଛି ଜିନିଷ ରେକର୍ଡ ହୋଇଯାଏ, ଯାହା ଦେଖି ଆଶ୍ଚର୍ଯ୍ୟ ଲାଗେ। ସାମାଜିକ ଗଣମାଧ୍ୟମରେ ଏବେ ଏମିତି ହିଁ ଜଣେ ମହିଳାଙ୍କ ଭିଡିଓ ଭାଇରାଲ ହେଉଛି, ଯାହାକୁ ଦେଖି ୟୁଜର ଚକିତ ହୋଇଯାଇଛନ୍ତି। ଭିଡିଓରେ ମହିଳା ଜଣକ ଏଭଳି ସ୍ଥିତିରେ ସେଲ୍ଫି ନେଉଥିବା ଦେଖିବାକୁ ମିଳିଛି, ଯାହା ଆପଣ କଳ୍ପନା ମଧ୍ୟ କରିପାରିବେ ନାହିଁ।
Taking a selfie with a tsunami is wild😭 pic.twitter.com/i8XcFC2lyl
— CCTV IDIOTS (@cctvidiots) February 27, 2024
ଭାଇରାଲ ଭିଡିଓରେ ମହିଳା ଏଭଳି ସ୍ଥିତିରେ ସେଲ୍ଫି ନେଉଥିବାର ଦେଖି ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି। ଭିଡିଓରେ ମହିଳା ଜଣକ ସୁନାମି ବେଳେ ସେଲ୍ଫି ନେଉଥିବା ନଜର ଆସିଛନ୍ତି। ମହିଳା ହାତରେ ସେଲ୍ଫି ଷ୍ଟିକ୍ ଧରି ଭିଡିଓ କରୁଛନ୍ତି। ଏହି ମସୟରେ ପଛରୁ ପାଣିର ବଡ଼ ଢେଉ ଆସୁଛି, ଯାହା ଭୟଙ୍କର ଭାବେ ଆଗକୁ ମାଡ଼ି ଆସୁଛି। ମହିଳା ଜଣକ ଅନ୍ୟ ଲୋକମାନଙ୍କ ସହ ସେଠାରୁ ଦୌଡ଼ିବାକୁ ଚେଷ୍ଟା କରୁଛନ୍ତି, କିନ୍ତୁ କିଛି ସେକେଣ୍ଡ ମଧ୍ୟରେ ପାଣିର ଢେଉ ଦ୍ରୁତ ଗତିରେ ଆସି ମହିଳାଙ୍କୁ ଭସାଇ ନେଉଛି। ଏହି ସମୟରେ ସମସ୍ତ ଦୃଶ୍ୟ କ୍ୟାମେରାରେ କଏଦ ହୋଇଯାଉଛି, ଯାହା ଏବେ ସାମାଜିକ ଗଣମାଧ୍ୟମରେ ଭାଇରାଲ ହୋଇ ଲୋକଙ୍କୁ ଆଶ୍ଚର୍ଯ୍ୟ କରୁଛି।
ଭିଡିଓକୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ @cctvidiots ନାମକ ଆକାଉଣ୍ଟରୁ ଶେୟାର କରାଯାଇଛି। ଏହାକୁ ଏପର୍ଯ୍ୟନ୍ତ ୨୮୨.୪ ହଜାରରୁ ଊର୍ଦ୍ଧ୍ବ ଲୋକ ଦେଖି ସାରିଲେଣି। ଏଥିସହ ଲୋକେ ଭିଡିଓକୁ ନେଇ ବିଭିନ୍ନ ପ୍ରକାର ପ୍ରତିକ୍ରିୟା ମଧ୍ୟ ଦେଉଛନ୍ତି।
