ଝରିଗାଁ: ନବରଙ୍ଗପୁର ଜିଲା ଝରିଗାଁ ବ୍ଲକ ଅନ୍ତର୍ଗତ ଘଲଘଳିଆଗୁଡା ଗ୍ରାମ ନିକଟରେ ରବିବାର ଏକ ପିକ୍ଅପ୍ ଭ୍ୟାନ ଭାରସାମ୍ୟ ହରାଇ ଓଲଟି ପଡ଼ିଛି। ଫଳରେ ଗାଡ଼ିରେ ଥିବା ୨୦ଜଣ ଯାତ୍ରୀ ଗୁରୁତର ହୋଇଥିବା ଜଣାପଡ଼ିଛି।
ସୂଚନା ପ୍ରକାରେ, ଝରିଗାଁ ବ୍ଲକ ଏକମ୍ବା ପଂଚାୟତ ସଦର ମହକୁମାର ପ୍ରାୟ ୨୫ଜଣ ଲୋକ(୨୨ଜଣ ମହିଳା ଓ ୩ଜଣ ପୁରୁଷ) ଏକ ପିକ୍ଅପ୍ ଭ୍ୟାନରେ ବେଲଗାଁ ପଂଚାୟତ ଅନ୍ତର୍ଗତ ମହଣ୍ଡି ଗ୍ରାମକୁ ନିର୍ବନ୍ଧ କାର୍ଯ୍ୟରେ ଯୋଗ ଦେବା ପାଇଁ ଯାଉଥିଲେ। ଘଲଘଳିଆଗୁଡା ଓ ମହଣ୍ଡି ଗ୍ରାମର ମଝି ରାସ୍ତାରେ ଭାରସାମ୍ୟ ହରାଇ ପିକ୍ଅପ୍ ଭ୍ୟାନଟି ଓଲଟି ପଡିବାରୁ ପାଖାପାଖି ୨୦ଜଣ ଯାତ୍ରୀ ଗୁରୁତର ହୋଇଥିବା ସୂଚନା ମିଳିଛି। ଗୁରୁତରମାନଙ୍କୁ ଦୁଇ ଗୋଟି ଆମ୍ବୁଲାନ୍ସ ଯୋଗେ ଉମରକୋଟ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଛି। ଦୁର୍ଘଟଣା ପରେ ଚାଳକ ଜଣକ ଘଟଣା ସ୍ଥଳରୁ ଫେରାର ଥିବା ଜଣାପଡିଛି।
Comments are closed.