ଡେସ୍କ: ପାକିସ୍ତାନର ପୂର୍ବତନ ରାଷ୍ଟ୍ରପତି ଆସିଫ୍ ଅଲ୍ଲୀ ଜର୍ଦାରୀ ଦ୍ୱିତୀୟ ଥର ପାଇଁ ରାଷ୍ଟ୍ରପତି ହୋଇପାରନ୍ତି। ତାଙ୍କ ରାଜନୈତିକ ଦଳ ‘ପାକିସ୍ତାନ ପିପୁଲ୍ସ ପାର୍ଟି’ ନୱାଜ ସରିଫଙ୍କ ‘ପାକିସ୍ତାନ ମୁସଲିମ ଲିଗ୍-ନୱାଜ’ ସହ ମେଣ୍ଟ କରି କେନ୍ଦ୍ରରେ ସରକାର ଗଠନ କରିବେ ବୋଲି ଜଣାପଡିଛି। ସାଧାରଣ ନିର୍ବାଚନରେ କୌଣସି ଦଳକୁ ସଂଖ୍ୟାଗରିଷ୍ଠତା ନ ମିଳିବାରୁ ପାକିସ୍ତାନରେ ଦୁଇ ଦଳ ମେଣ୍ଟ କରିଛନ୍ତି। ପୂର୍ବରୁ ଶୁଣିବାକୁ ମିଳିଥିଲା ଯେ ଶେହବାଜ ସରିଫ୍ ପାକିସ୍ତାନର ପରବର୍ତ୍ତୀ ପ୍ରଧାନମନ୍ତ୍ରୀ ହୋଇପାରନ୍ତି। ପିଏମଏଲ-ଏନ ଓ ପିପିପି ସହ ପିଏମଏଲ-କ୍ୟୁ ଆଇପିପି ଏବଂ ବିଏପି କେନ୍ଦ୍ରରେ ମେଣ୍ଟ ସରକାର ଗଠନ କରିବାକୁ ରାଜି ହୋଇଛନ୍ତି। ଏଭଳି ସ୍ଥିତି ଲାଗି ରହିଲେ ପାକିସ୍ତାନରେ ପିଏମଏଲ-ଏନର ପ୍ରାର୍ଥୀ ପ୍ରଧାନମନ୍ତ୍ରୀ ଓ ପିପିପିର ପ୍ରାର୍ଥୀ ରାଷ୍ଟ୍ରପତି ହେବେ।
Comments are closed.