ନୂଆଦିଲ୍ଲୀ : ପୂର୍ବରୁ ଡ୍ରାଇଭିଂ ଲାଇସେନ୍ସକୁ ରିନ୍ୟୁ କରାଇବା ଏକ ଚିନ୍ତାର ବିଷୟ ଥିଲା । କିନ୍ତୁ ଏବେ ସମୟ ବଦଳିସାରିଛି । ଏବେ ଡ୍ରାଇଭିଂ ଲାଇସେନ୍ସ ରିନ୍ୟୁ କରାଇବା ବହୁତ ସହଜ ହୋଇଯାଇଛି । ଆସନ୍ତୁ ଜାଣିବା ଏହାର ସମ୍ପୂର୍ଣ୍ଣ ପ୍ରକ୍ରିୟା…
ଆଇନ ଅନୁସାରେ ରାସ୍ତାରେ କୌଣସି ଗାଡି ଚଳାଇବାକୁ ହେଲେ ଡ୍ରାଇଭିଂ ଲାଇସେନ୍ସ ବହୁତ ଜରୁରି ହୋଇଥାଏ । ତେବେ ଏହି ଲାଇସେନ୍ସର ଏକ ଅବଧି ରହିଥାଏ । ଏହାର ଅବଧି ପୁରିଗଲେ ଏହା ଏକ୍ସପାୟର ହୋଇଯାଏ ଏବଂ ଏହାକୁ ରିନ୍ୟୁ କରାଇବାକୁ ପଡିଥାଏ । ପୂର୍ବରୁ ଏଥିପାଇଁ ଅନେକ ଦୌଡାଦୌଡି କରିବାକୁ ପଡୁଥିଲା । କିନ୍ତୁ ଏବେ ଆଉ ସେମିତି ନାହିଁ। ଡ୍ରାଇଭିଂ ଲାଇସେନ୍ସକୁ ରିନ୍ୟୁ କରିବା ଏବେ ବହୁତ ସହଜ । ଆପଣ ଘରେ ବସି ମଧ୍ୟ ଏହାକୁ ରିନ୍ୟୁ କରିପାରିବେ ।
ସଡକ ପରିବହନ ଏବଂ ରାଜମାର୍ଗ ମନ୍ତ୍ରାଳୟ ଡ୍ରାଇଭିଂ ଲାଇସେନ୍ସ ରିନ୍ୟୁ କରାଇବାର ପ୍ରକ୍ରିୟାକୁ ବହୁତ ସହଜ କରିଦେଇଛି । ଲୋକଙ୍କ ଆବଶ୍ୟକତାକୁ ନଜରରେ ରଖି ଏଦିଗରେ ପଦକ୍ଷେପ ନିଆଯାଇଛି । ଏଥିପାଇଁ କିଛି ସହଜ ପ୍ରଣାଳୀକୁ ଆପଣଙ୍କୁ ଅନୁସରଣ କରିବାକୁ ପଡିବ । ଏହାକୁ ଘରେ ବସି ମଧ୍ୟ କରିପାରିବେ । ଆସନ୍ତୁ ଜାଣିବା…
୧. ସର୍ବପ୍ରଥମେ ସଡକ ପରିବହନ ମନ୍ତ୍ରାଳୟର ଅଫିସିଆଲ ଓ୍ବେବସାଇଟ୍ https://parivahan.gov.in/parivahan/ କୁ ଯାଆନ୍ତୁ ।
୨. ଏହା ପରେ ହୋମପେଜର ବାମ ପଟେ ଆପ୍ଲାଏ ଅନଲାଇନ୍ ଉପରେ କ୍ଲିକ୍ କରନ୍ତୁ ।
୩. ଏବେ ସର୍ଭିସେଜ୍ ଅନ ଡ୍ରାଇଭିଂ ଲାଇସେନ୍ସ ଉପରେ କ୍ଲିକ୍ କରନ୍ତୁ ଏବଂ ରିନ୍ୟୁ କରିବାର ଷ୍ଟେପକୁ ଫଲୋ କରନ୍ତୁ ।
୪. ଏହା ପରେ ଆପଣଙ୍କୁ ଆପ୍ଲିକେସନ ଫର୍ମ ଭରିବା ସହିତ ଦସ୍ତାବେଜ୍ ମଧ୍ୟ ଅପଲୋଡ୍ କରିବାକୁ ହେବ ।
୫. ଏହି ଦସ୍ତାବେଜରେ ପୁରୁଣା ଅବୈଧ ଡ୍ରାଇଭିଂ ଲାଇସେନ୍ସ, ଆଧାର କାର୍ଡ ଏବଂ ପାସପୋର୍ଟ ସାଇଜ ଫଟୋ ଅପଲୋଡ କରିବାକୁ ହେବ ।
୬. ପ୍ରକ୍ରିୟା ପୁରା କରିବା ପରେ ଫର୍ମର ଫି ଜମା କରାନ୍ତୁ । ଏହାକୁ ଆପଣ ଅନଲାଇନରେ କରାଇପାରିବେ ।
୭. ସମ୍ପୂର୍ଣ୍ଣ ପ୍ରକ୍ରିୟା ସମାପ୍ତ ହେବା ପରେ ଫର୍ମ ସବମିଟ୍ କରନ୍ତୁ । କିଛି ଦିନ ଅପେକ୍ଷା କରନ୍ତୁ ଏବଂ ନୂଆ ଡ୍ରାଇଭିଂ ଲାଇସେନ୍ସ ଆପଣଙ୍କ ଘରକୁ ଆସିଯିବ ।
Comments are closed.