ନୀଳଗିରି: ନୀଳଗିରି ଥାନା ବେଗୁନିଆ ଗାଁର ଗୋବିନ୍ଦ କରଣଙ୍କ ପୁଅ ଭାସ୍କରଙ୍କଠାରୁ ବାଲେଶ୍ୱର ଟାଉନ ଥାନା ଅଧୀନ ନୂଆପୁର ଅଞ୍ଚଳର ସୁବ୍ରତ ମହାନ୍ତି ନାମକ ଜଣେ ବ୍ୟବସାୟୀ ୧ଲକ୍ଷ ୬୦ହଜାର ଟଙ୍କା କରଜ କରିଥିଲେ । ପ୍ରତିବଦଳରେ ସେ ଏକ ଚେକ୍ ପ୍ରଦାନ କରିଥିଲେ ହେଁ କରଜ ଟଙ୍କା ସୁଝିବାର ନାଁ ଧରୁନଥିଲେ । ଏନେଇ ଭାସ୍କର ନୀଳଗିରି ଏସଡିଜେଏମଙ୍କ କୋର୍ଟରେ ଆଶ୍ରୟ ନେଇଥିଲେ । ଏସଡିଜେଏମ୍ ଇପ୍ସି ମହାନ୍ତି ସମସ୍ତ ସାକ୍ଷ୍ୟ ପ୍ରମାଣକୁ ଭିତ୍ତିକରି ସମ୍ପୃକ୍ତ ବ୍ୟବସାୟୀଙ୍କୁ ୧ବର୍ଷ ଜେଲଦଣ୍ଡ ସହ ୨ଲକ୍ଷ ଟଙ୍କା କ୍ଷତିପୂରଣ ରାୟ ପ୍ରକାଶ କରିଛନ୍ତି । କ୍ଷତିପୂରଣ ଅନାଦେୟ ଅଧିକ ୩ମାସ ଜେଲଦଣ୍ଡ ନିର୍ଦ୍ଦେଶ ମଧ୍ୟ ଦେଇଛନ୍ତି । ଅଭିଯୋଗକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ଦିଗମ୍ବର ମୋକଦ୍ଦମା ପରିଚାଳନା କରୁଥିଲେ।
Comments are closed.