ଡେସ୍କ: ଚିଲିର ଏକ ଘଞ୍ଚ ଜନବହୁଳ ଅଞ୍ଚଳରେ ବ୍ୟାପକ ଜଙ୍ଗଲ ଅଗ୍ନିକାଣ୍ଡରେ ଅତି କମରେ ୪୬ ଜଣଙ୍କର ମୃତ୍ୟୁ ଘଟିଛି ଏବଂ ୧୧୦୦ ଘର ନଷ୍ଟ ହୋଇଯାଇଛି। ରାଷ୍ଟ୍ରପତି ଗାବ୍ରିଏଲ୍ ବୋରିଚ୍ ଦେଶବାସୀଙ୍କୁ କହିଛନ୍ତି ଯେ ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବାର ସମ୍ଭାବନା ରହିଛି। ସେ କହିଛନ୍ତି ଯେ ଭାଲପାରାଏସୋ ଅଞ୍ଚଳରେ ଚାରିଟି ସ୍ଥାନରେ ନିଆଁ ଜଳୁଛି ଏବଂ ଅଗ୍ନିଶମ କର୍ମଚାରୀମାନେ ଏହି ବିପଦପୂର୍ଣ୍ଣ ଅଞ୍ଚଳରେ ପହଞ୍ଚିବାରେ ଅସୁବିଧାର ସମ୍ମୁଖୀନ ହେଉଛନ୍ତି। ରାଷ୍ଟ୍ରପତି ବୋରିଚ ଦେଶବାସୀଙ୍କୁ ଉଦ୍ଧାର କାର୍ଯ୍ୟରେ ସହଯୋଗ କରିବାକୁ ଅନୁରୋଧ କରିଛନ୍ତି। ଅଧିକାରୀମାନେ କହିଛନ୍ତି କିଲପୋଇ ଏବଂ ଭିଲ୍ଲା ଆଲେମାନା ସହର ନିକଟରେ ଶୁକ୍ରବାର ଆରମ୍ଭ ହୋଇଥିବା ଅଗ୍ନିକାଣ୍ଡରେ ଅତି କମରେ ୮ ହଜାର ହେକ୍ଟର ଜମି ନଷ୍ଟ ହୋଇଯାଇଛି।
Comments are closed.