ରାଞ୍ଚି: ଚାକିରି ବଦଳରେ ଜମି ଦୁର୍ନୀତି ମାମଲାରେ ପଚରାଉଚରା ପାଇଁ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବାସଭବନରେ ପହଞ୍ଚିଛନ୍ତି ଇଡି ଟିମ୍ । ରାଞ୍ଚି ସ୍ଥିତ ବାସଭବନରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସହ ଅନ୍ୟ ବିଧାୟକ ମାନେ ଉସ୍ଥିତ ରହିଛନ୍ତି । ରାଞ୍ଚିରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ବିଭିନ୍ନ ସ୍ଥାନରେ ଫୋର୍ସ ମଧ୍ୟ ମୁତୟନ କରାଯାଇଛି । ବାରମ୍ବାର ଇଡ଼ି ସମନ କରିବା ପରେ ହାଜର ନହୋଇ ବୁଧବାର (ଜାନୁଆରୀ ୩୧)ରେ ନିଜେ ହେମନ୍ତ ସୋରେନ ଉତ୍ତର ଦେବେ ବୋଲି ସମୟ ମାଗିଥିଲେ । ଏଥିପାଇଁ ଇଡ଼ି ଟିମ ବୁଧବାର ରାଞ୍ଚି ବାସଭବନରେ ପହଂଚିଛନ୍ତି ।
ମିଳିଥିବା ସୂଚନା ଅନୁସାରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ମଙ୍ଗଳବାର ନିଜ ବାସଭବନରେ ପହଂଚିବା ପରେ ବିଧାୟକ ଦଳ ବୈଠକ କରିଥିଲେ । ବୈଠକରେ ଖାଲି କାଗଜରେ ସବୁ ବିଧାୟକଙ୍କୁ ଦସ୍ତଖତ କରିବାକୁ କୁହାଯାଇଥିଲା । ଏହି ଦସ୍ତଖତ କଳ୍ପନା ସୋରେନଙ୍କ ଲାଗି ନିଆଯାଇଥିବା ସୂଚନା ମିଳିଛି । ଇଡ଼ି ଜେରାର ସମ୍ମୁଖୀନ ହେବା ପୂର୍ବରୁ ହେମନ୍ତ ସୋରେନ ତାଙ୍କ ପିତା ତଥା ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କୁ ଭେଟିଥିଲେ ।
ହେମନ୍ତ ସୋରେନଙ୍କ ଘରେ ଇଡ଼ି ଟିମ୍
Popular Categories
Previous article
Next article