ଯୁବତୀଙ୍କ ଚୌକା-ଛକା ଦେଖି ଭାବୁକ ହେଲେ ଆନନ୍ଦ ମହିନ୍ଦ୍ରା, ସେୟାର କଲେ ଭିଡିଓ

ନୂଆଦିଲ୍ଲୀ : ଦେଶର ଜଣାଶୁଣା ବ୍ୟବସାୟୀ ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ପ୍ରାୟତଃ ଆକ୍ଟିଭ୍ ରୁହନ୍ତି । ଅନେକ ସମୟରେ ସେ ନିଜ ଆକାଉଣ୍ଟରେ ଭିଡିଓ ସେୟାର କରି ଲୋକଙ୍କ ଧ୍ୟାନ ଆକର୍ଷଣ କରନ୍ତି । ନିକଟରେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ କିଛି ଯୁବତୀ ମିଶି କ୍ରିକେଟ୍ ଖେଳୁଛନ୍ତି । ଏହି ସମୟରେ ଜଣେ ଯୁବତୀ ଲଗାତର ଚୌକା-ଛକା ମାରୁଛନ୍ତି । ଖାଲି ସେତିକି ନୁହେଁ, ଏହି ସମୟରେ ଯୁବତୀଙ୍କ ଫିଲ୍ଡିଂ ଦେଖି ମଧ୍ୟ ଆପଣ ପ୍ରଂଶସା ନକରି ରହିପାରିବେନି ।

India takes cricket to another level.
Or should I say many ‘levels’….
👍🏽🙁 pic.twitter.com/Lhv8BIzw74

— anand mahindra (@anandmahindra) January 24, 2024

ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ଭିଡିଓକୁ ଆନନ୍ଦ ମହିନ୍ଦ୍ରା ନିଜ ଆକାଉଣ୍ଟରେ ସେୟାର କରିଛନ୍ତି । ପ୍ରାୟ ୧୧ ସେକେଣ୍ଡର ଏହି ଭିଡିଓକୁ ସେୟାର କରିଛନ୍ତି । ଏହି ଭିଡିଓକୁ ଏପର୍ଯ୍ୟନ୍ତ ପ୍ରାୟ ୧.୪ ମିଲିୟନ୍ ଲୋକ ଦେଖିସାରିଲେଣି । ୪୯ ହଜାରରୁ ଅଧିକ ଲୋକ ବିଡିଓକୁ ଲାଇକ୍ କରିଛନ୍ତି । କ୍ରିକେଟ୍ ପ୍ରତି ଆମ ଦେଶରେ ଯୁବପିଢିଙ୍କ ମଧ୍ୟରେ ଥିବା ପାଗଳପଣ ଏହି ଭିଡିଓ ଦେଖିଲେ ଆପଣ ଜାଣିପାରିବେ ।

ଭିଡିଓରେ ନଜର ଆସୁଛି କି ଯୁବତୀମାନଙ୍କ ଏକ ଟିମ୍ ପାହାଡ ଉପରେ କ୍ରିକେଟ୍ ଖେଳୁଥିବା ନଜର ଆସୁଛି । ଏହି ସମୟରେ ମ୍ୟାଚ୍ ଦେଖିବା ପାଇଁ ସେଠାରେ ଅନେକ ଲୋକ ବସିଥିବା ନଜର ଆସୁଛନ୍ତି । ଭିଡିଓରେ ଆଗକୁ ଜଣେ ଯୁବତୀ ପ୍ରଫେସନାଲ୍ କ୍ରିକେଟର ଭଳି ସଟ୍ ମାରୁଥିବା ନଜର ଆସୁଛନ୍ତି । ଅନ୍ୟପଟେ ଫିଲ୍ଡିଂ ପାଇଁ ତଳେ ଜଣେ ଖେଳାଳି ଠିଆ ହୋଇଛନ୍ତି ଯିଏ କି ବଲ୍ ଧରିବା ପାଇଁ ଦୌଡୁଥିବା ନଜର ଆସୁଛନ୍ତି । ଭିଡିଓ ଦେଖି ଜଣେ ୟୁଜର ପ୍ରତିକ୍ରିୟାରେ ଲେଖିଛନ୍ତି କି ‘ଖେଳ ପାଇଁ ମନ ସଫା ଥିବା ଦରକାର, ପଡିଆ ନୁହେଁ’ ।