ବୌଦ୍ଧ: ବୌଦ୍ଧ ସ୍ଥିତ କୁଷ୍ଠାଶ୍ରମର ଅନ୍ତେବାସୀ ତପସ୍ୟା କୁମ୍ଭାର ଦୀର୍ଘ ଦିନ ଧରି ଶଯ୍ୟାଶାୟୀ ରହିବା ପରେ ଗତ ସାଧାରଣତନ୍ତ୍ର ଦିବସରେ ମୃତ୍ୟୁବରଣ କରିଥିଲେ । ତପସ୍ୟାଙ୍କ ଝିଅ ବିଳାସିନୀ ମହାନନ୍ଦିଆ ମାଙ୍କ ମୃତ୍ୟ ପରେ ସମୂର୍ଣ୍ଣ ଅସହାୟ ହୋଇ ଯାଇଥିଲେ । ମାଙ୍କ ଶେଷକୃତ୍ୟ ପାଇଁ ବିଳାସିନୀ ଅସମର୍ଥ ଥିବାରୁ ସତ୍ୟସାଇ ସେବା ସଙ୍ଗଠନର ଜିଲ୍ଲା ସଭାପତି ଡ଼ା ପ୍ରିୟବ୍ରତ ବେହେରାଙ୍କୁ ଯୋଗାଯୋଗ କରିଥିଲେ। ବିଳାସିନୀ ତଥା କୁଷ୍ଠାଶ୍ରମର ଅନ୍ତେବାସୀଙ୍କ ଅନୁରୋଧ କ୍ରମେ ଡ଼ା ବେହେରା ତାଙ୍କର ସ୍ବେଛାସେବୀମାନଙ୍କୁ ନେଇ ସ୍ଥାନୀୟ ଶ୍ମଶାନ ନିର୍ବାଣ ଧାମରେ ତପସ୍ୟାଙ୍କ ଶେଷକୃତ୍ୟ ସମ୍ପାଦନ କରିଥିଲେ। ଏହି ମହତ କାର୍ଯ୍ୟରେ ସଙ୍ଗଠନର ଯୁବ ସ୍ବେଛାସେବୀ ଅଞ୍ଜନ ମହାରଣା, କେଶବନନ୍ଦ ବେହେରା, ସମୀର କର୍ଣ୍ଣ, ଦେବେନ୍ଦ୍ର ମହାରଣା ସୁନୀଲ ବଘାର, ନାରାୟଣ ମହାରଣା ଆଦି ସହଯୋଗ କରିଥିଲେ । ସତ୍ୟସାଇ ସେବା ସଙ୍ଗଠନ କରିଥିବା ଏହି ମହତ କାର୍ଯ୍ୟକୁ ସ୍ଥାନୀୟ ଜନସାଧାରଣ ପ୍ରଶଂସା କରିଛନ୍ତି।
Popular Categories
Previous article
Next article