ଦିଲ୍ଲୀ: ବହୁ ଚର୍ଚ୍ଚିତ ସାମ୍ବାଦିକା ଗୌରୀ ଲଙ୍କେଶ ହତ୍ୟା ମାମଲା । ଜଷ୍ଟିସ ବିକ୍ରମ ନାଥ ଓ ଜଷ୍ଟିସ ସତୀଶ ଚନ୍ଦ୍ର ଶର୍ମାଙ୍କୁ ନେଇ ଗଠିତ ସୁପ୍ରମିକୋର୍ଟଙ୍କ ଦୁଇ ଜଣିଆ ଖଣ୍ଡପୀଠରେ ଶୁଣାଣି ବେଳେ ଅଭିଯୁକ୍ତଙ୍କ ଜାମିନ ଆବେଦନକୁ ଖାରଜ କରିବାକୁ ନୋଟିସ ଜାରି କରାଯାଇଛି । ଗୌରୀଙ୍କ ଭଉଣୀ କବିତା ଲଙ୍କେଶ ଆବେଦନ କରିଥିବା ଏକ ମାମଲାର ଶୁଣାଣି କରି ଏହି ମାମଲାରେ ଜରେ ଅଭିଯୁକ୍ତ ମୋହନ ନାୟକଙ୍କ ଜାମିନ ନାମାଞ୍ଜୁର କରିବାକୁ ଦାବି କରିଥିଲେ । ମୋହନ ନାୟକଙ୍କୁ ଦିଆଯାଇଥିବା ଜାମିନକୁ ବାତିଲ କରିବା ପାଇଁ କବିତା ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଅଭିଯୁକ୍ତ ମୋହନ ନାୟକ ଗତ ଡିସେମ୍ବର ୭ରେ କର୍ଣ୍ଣାଟକ ହାଇକୋର୍ଟରୁ ଜାମିନ ପାଇଥିଲେ ।
୨୦୧୭ ସେପ୍ଟେମ୍ବର ୫ରେ ବେଙ୍ଗାଲୁରୁରେ ଗୌରୀ ଲଙ୍କେଶ ରହୁଥିବା ଘର ବାହାରେ ତାଙ୍କୁ ଗୁଳି ଚଳାଇ ହତ୍ୟା କରାଯାଇଥିଲା । ଏହି ମାମଲାରେ ପୁଲିସ ୧୭ଜଣ ଅଭିଯୁକ୍ତଙ୍କୁ ଗିରଫ କରିଥିଲା ।
