ନୂଆଦିଲ୍ଲୀ : ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ସୋସିଆଲ ମିଡିଆ ଯୋଗେ ଏକ ବିଶେଷ ଅଡିଓ ବାର୍ତ୍ତା ଦେଇଛନ୍ତି। ରାମ-ରାମ ଉଚ୍ଚାରଣରୁ ସୋସିଆଲ ମିଡିଆରେ ଅଡିଓ ପୋଷ୍ଟ କରି ପ୍ରଧାନମନ୍ତ୍ରୀ କହିଛନ୍ତି, ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ଆଉ ୧୧ ଦିନ ରହିଲା। ମୋର ସୌଭାଗ୍ୟ,ମୁଁ ଏହି ପୁଣ୍ୟ ଅବସରରେ ଉପସ୍ଥିତ ରହିବି। ପ୍ରାଣ ପ୍ରତିଷ୍ଠା ସମୟରେ ସମଗ୍ର ଭାରତବାସୀଙ୍କ ପ୍ରତିନିଧିତ୍ୱ କରିବା ନିମନ୍ତେ ପ୍ରଭୁ ମୋତେ ମାଧ୍ୟମ କରିଛନ୍ତି। ଏହାକୁ ଦୃଷ୍ଟିରେ ରଖି ଶୁକ୍ରବାର ଠାରୁ ୧୧ ଦିନ ଲାଗି ଏକ ବିଶେଷ ଅନୁଷ୍ଠାନ ଆରମ୍ଭ କରୁଛି। ଏଥିଲାଗି ମୁଁ ଆପଣଙ୍କ ସମସ୍ତଙ୍କ ଠାରୁ ଆଶୀର୍ବାଦ ଭିକ୍ଷା କରୁଛି। ଏଭଳି ମୁହୂର୍ତ୍ତରେ ନିଜ ଭାବନାକୁ ଶବ୍ଦରେ ପ୍ରକାଶ କରିବା କଷ୍ଟସାଧ୍ୟ ବୋଲି ପ୍ରଧାନମନ୍ତ୍ରୀ କହିଛନ୍ତି।
ଏହି ବାର୍ତ୍ତାରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ତାଙ୍କ ମାଆଙ୍କୁ ମନେ ପକାଇଛନ୍ତି। ତାଙ୍କ ମାଆଙ୍କ ବିଷୟରେ ଉଲ୍ଲେଖ କରିବା ପରେ ଭାବପ୍ରବଣ ହୋଇଛନ୍ତି। ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ କହିଛନ୍ତି ,ସେ ଆଜିଠାରୁ ୧୧ ଦିନର ଏକ ସ୍ୱତନ୍ତ୍ର ଅନୁଷ୍ଠାନ ଆରମ୍ଭ କରିବାକୁ ଯାଉଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ସେ ନାସିକ ଧାମ ପଞ୍ଚଭଟୀ ଠାରୁ ବିଶେଷ ଅନୁଷ୍ଠାନ ଆରମ୍ଭ କରୁଛନ୍ତି।
प्राण-प्रतिष्ठा से पूर्व 11 दिवसीय व्रत अनुष्ठान का पालन मेरा सौभाग्य है। मैं देश-विदेश से मिल रहे आशीर्वाद से अभिभूत हूं। https://t.co/JGk7CYAOxe pic.twitter.com/BGv4hmcvY1
— Narendra Modi (@narendramodi) January 12, 2024
ପ୍ରଧାନମନ୍ତ୍ରୀ କହିଛନ୍ତି, ଶାରୀରିକ ଭାବେ, ମୁଁ ସେହି ପବିତ୍ର ମୁହୂର୍ତ୍ତର ସାକ୍ଷୀ ହେବି, କିନ୍ତୁ ମୋ ମନରେ, ମୋ ହୃଦୟର ପ୍ରତ୍ୟେକ ସ୍ପନ୍ଦନରେ, ୧୪୦ କୋଟି ଭାରତୀୟ ମୋ ସହିତ ରହିବେ। ପ୍ରତ୍ୟେକ ରାମ ଭକ୍ତ ମୋ ସହିତ ରହିବେ ଏବଂ ସେହି ମୁହୂର୍ତ୍ତ ଆମ ସମସ୍ତଙ୍କ ପାଇଁ ଏକ ବିଶେଷ ଅନୁଭୂତି ହେବ। ସେହି ସମୟରେ ୧୪୦ କୋଟି ଦେଶବାସୀ ମୋ ସହିତ ଯୋଗଦେବେ, ତା’ପରେ ମୁଁ ତୁମର ଶକ୍ତି ସହିତ ଗର୍ଭଗୃହରେ ପ୍ରବେଶ କରିବିା ମୁଁ ଏକା ନୁହେଁ ବରଂ ମୋ ସହ ସମସ୍ତେ ଅଛନ୍ତି ବୋଲି ଅନୁଭବ କରିବି ବୋଲି ପ୍ରଧାନମନ୍ତ୍ରୀ କହିଛନ୍ତି।
