ଡେସ୍କ: ଜାନୁଆରୀ ୧୨ରେ ଜାତୀୟ ଯୁବ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାରାଷ୍ଟ୍ରର ନାଶିକରେ ଜାତୀୟ ଯୁବ ମହୋତ୍ସବର ଉଦଘାଟନ କରିବେ। ଏହି ଅବସରରେ ଶ୍ରୀ ମୋଦୀ ଯୁବକମାନଙ୍କୁ ସମ୍ବୋଧିତ କରିବେ। ସ୍ୱାମୀ ବିବେକାନନ୍ଦଙ୍କ ଚିନ୍ତାଧାରା ଏବଂ ଆଦର୍ଶକୁ ସମ୍ମାନ ଜଣାଇ ପ୍ରତିବର୍ଷ ଜାତୀୟ ଯୁବ ଦିବସ ପାଳନ କରାଯାଏ।
ଚଳିତ ବର୍ଷ ଜାତୀୟ ଯୁବ ଦିବସ ଅବସରରେ ଯୁବ ବ୍ୟାପାର ମନ୍ତ୍ରଣାଳୟର ବିଭିନ୍ନ ୟୁନିଟ୍ ସମଗ୍ର ଦେଶରେ ଜିଲ୍ଲା ସ୍ତରରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିବେ। ପ୍ରମୁଖ ସହର ଏବଂ ଦେଶର ସାତ ଶହ ପଚାଶ ଜିଲ୍ଲା ମୁଖ୍ୟାଳୟରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଆୟୋଜିତ ହେବ।
ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟର ଯୁଗ୍ମ ସଚିବ ନୀତୀଶ କୁମାର ମିଶ୍ର ଗଣମାଧ୍ୟମକୁ କହିଛନ୍ତି ଯେ ଚଳିତ ବର୍ଷ ଜାତୀୟ ଯୁବ ମହୋତ୍ସବର ବିଷୟବସ୍ତୁ ହେଉଛି “ମୋ ଭାରତ-ବିକଶିତ ଭାରତ @ ୨୦୪୭-ଯୁବକମାନଙ୍କ ଦ୍ୱାରା-ଯୁବକମାନଙ୍କ ପାଇଁ”। ଯୁଗ୍ମ ସଚିବ କହିଛନ୍ତି ଯେ ଏହି ସମୟ ମଧ୍ୟରେ ବିଭିନ୍ନ ରାଜ୍ୟ କାର୍ଯ୍ୟକ୍ରମ ମାଧ୍ୟମରେ ସେମାନଙ୍କର ସାଂସ୍କୃତିକ ଐତିହ୍ୟର ବିବିଧତା ପ୍ରଦର୍ଶନ କରିବେ।
