ରେଙ୍ଗାଲି : ଗାଁକୁ ଯିବା ପାଇଁ ଲିଫ୍ଟ୍ ମାଗି ରାସ୍ତାରେ ବାଇକ୍ ମାଲିକକୁ ମାଡପିଟ କରି ବାଇକ୍ ଲୁଟି ନେଇ ଥିବା ଅଭିଯୁକ୍ତକୁ କତରବଗା ପୁଲିସ ଗିରଫ କରି କୋର୍ଟ ଚାଲାଣ କରିଛି। ପ୍ରାପ୍ତ ସୂଚନା ଅନୁଯାୟୀ ଡିସେମ୍ବର ୨୨ ତାରିଖ ଦିନ ମୋତିଲାଲ ଝରା (୪୮) ନାମକ ଜନୈକ ବ୍ୟକ୍ତି ବାଇକରେ ବନହରପାଲିରୁ ରେଙ୍ଗାଲି ଅଭିମୁଖେ ଆସୁଥିବା ବେଳେ ବୁନ୍ ବୁନ୍ ଛକରେ ତାଙ୍କୁ ଦୁଇ ଜଣ ଯୁବକ ଗୌତମ ଭଇଁସା(ମୁନୁ) ଏବଂ ପର୍ଶୁରାମ ନାଏକ ଓରଫ୍ ଦିନୁ ମୋତିଲାଲକୁ ଅଟକାଇ ଲିଫ୍ଟ୍ ମାଗି କତରବଗା ଥାନା ଅନ୍ତର୍ଗତ ଲାଙ୍ଗବାହାଲ ଗ୍ରାମରେ ଛାଡିଦେବାକୁ କହିଥିଲେ। ସେମାନଙ୍କ କଥାରେ ମୋତିଲାଲ ରାଜି ହୋଇ ଉଭୟଙ୍କୁ ବାଇକରେ ବସାଇ ଆଣିଥିଲେ। ତେବେ ଲଇଡା ନିକଟସ୍ଥ ଜର୍ଲି ପାଖ ପତ୍ରା ଜଙ୍ଗଲରେ ଗୌତମ ଓ ପର୍ଶୁରାମ ବାଇକ୍ ମାଲିକ ତଥା ଚାଳକ ମୋତିଲାଲକୁ ନିସ୍ତୁକ ମାଡ ମାରି ବାଇକ୍ ଛଡାଇ ନେଇ ଫେରାର ମାରିଥିଲେ। ଏ ସଂକ୍ରାନ୍ତରେ ମୋତିଲାଲ ଲଇଡା ଫାଣ୍ଡିରେ ଅଭିଯୋଗ କରିଥିଲେ । ଥାନା ଅଧିକାରୀ ଅନନ୍ତଚରଣ ସାହୁଙ୍କ ନିର୍ଦ୍ଦେଶ କ୍ରମେ ଫାଣ୍ଡି ଅଧିକାରୀ ଯୋଗେଶ୍ବର କିସାନ ଏହାର ତଦନ୍ତ କରି ଏଥିରେ ସଂପୃକ୍ତ ଥିବା ଦୁଇଜଣ ଅଭିଯୁକ୍ତଙ୍କ ମଧ୍ୟରୁ ପର୍ଶୁରାମ ନାଏକକୁ ଗିରଫ କରି କୋର୍ଟଚାଲାଣ ଚାଲାଣ କରାଯାଇଛି। ପର୍ଶୁରାମ ଝାରସୁଗୁଡ଼ା ଜିଲ୍ଲା ବନହରପାଲି ଇବ୍ ଥର୍ମାଲର ବାସିନ୍ଦା ହୋଇ ଥିବା ବେଳେ ଫେରାର ଥିବା ଅନ୍ୟ ଅଭିଯୁକ୍ତ ଗୌତମ ଭଇଁସା କତରବଗା ଥାନା ଅନ୍ତର୍ଗତ ଲାଙ୍ଗବାହାଲ ଗ୍ରାମର ବାସିନ୍ଦା ବୋଲି ଜଣାପଡିଛି। ଲୁଟ୍ ହୋଇଥିବା ବାଇକ୍ ଜବତ କରାଯାଇଛି।
Popular Categories
Previous article
Next article