ରେଙ୍ଗାଲି: ସମ୍ବଲପୁର ଜିଲାର ରେଙ୍ଗାଲି ଜିଲାପରିଷଦ ଜୋନ ୨ ଅଞ୍ଚଳ ଅନ୍ତର୍ଗତ ଥିବା ୩ଟି ପଞ୍ଚାୟତରେ ପାନୀୟ ଜଳର ସମସ୍ୟାକୁ ଦୃଷ୍ଟିରେ ରଖି ତାର ସମାଧାନ ଦିଗରେ ଯେଉଁ ଉଦ୍ୟମ କରାଯାଇଥିଲା ତହିଁର ସମାଧାନ ପ୍ରକ୍ରିୟା ଆରମ୍ଭ ହୋଇଛି । ରେଙ୍ଗଲୋଇ ପଞ୍ଚାୟତରେ ପ୍ରକଳ୍ପ ମଞ୍ଜୁର ହେବାପରେ ରେଙ୍ଗଲୋଇ ପଞ୍ଚାୟତ ରେ ପ୍ରକଳ୍ପ ଶୁଭ ଦିଆଯାଇଛି। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ଜିଲାପରିଷଦ ସଭ୍ୟ ଦେନାରାୟଣ ତିୱାରୀ, ପୂର୍ବତନ ବିଧାୟକ ରମେଶ ପଟୁଆ, ଏମବି ସତ୍ୟେନ୍, ଅବନୀ ରଞ୍ଜନ କର, ପ୍ରେମଦୀପ ସାହୁ ରେଙ୍ଗଲୋଇ ସରପଞ୍ଚ ଲତିକା ଚାନ୍ଦ ୱାର୍ଡ ସଭ୍ୟଙ୍କ ଉପସ୍ଥିତିରେ ପାନୀୟ ଜଳ ଯୋଗାଣ ପ୍ରକଳ୍ପର ଶୁଭ ଦିଆଯାଇଥିଲା। କାର୍ଯ୍ୟକ୍ରମରେ ବହୁ ସଂଖ୍ୟାରେ ଗ୍ରାମବାସୀ ଏବଂ ସଚେତନ ନାଗରିକ ଉପସ୍ଥିତ ଥିଲେ। ସୁଚିତ ଯେ ଜିଲ୍ଲାପରିଷଦ ସଭ୍ୟ ଶ୍ରୀ ତିୱାରୀ ଲଇଡା, ରେଙ୍ଗଲୋଇ ଏବଂ କିନାଲୋଇ ପଞ୍ଚାୟତ ଅଞ୍ଚଳରେ ବୃହତ ଜଳଯୋଗାଣ ପ୍ରକଳ୍ପ ମାଧ୍ୟମ ରେ ପାନିୟ ଜଳଯୋଗାଣ କରିବାକୁ ଦୀର୍ଘ ଦିନ ହେଲା ଦାବୀ କରିଆସୁଥିଲେ।
ଦୀର୍ଘ ଦିନର ଦାବୀ ପୂରଣ ହୋଇଥିବାରୁ ଜିଲ୍ଲାପରିଷଦ ସଭ୍ୟ ଦେନାରାୟଣ ତିୱାରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଗ୍ରାମ୍ୟଜଳଯୋଗାଣ ବିଭାଗ ର ମୁଖ୍ୟଯନ୍ତ୍ରୀ ମୋତିଲାଲ ତିୱାରୀ, ଜିଲ୍ଲାପାଳ ଶ୍ରୀମତୀ ଅନନ୍ୟା ଦାସ ଏବଂ ଅଧିକ୍ଷଣ ଯନ୍ତ୍ରୀ ସଚିଦାନନ୍ଦ ମହାନ୍ତି ଙ୍କୁ ଅଞ୍ଚଳ ବାସୀ ଙ୍କ ତରଫରୁ ଧନ୍ୟବାଦ ଅର୍ପଣ କରିଛନ୍ତି।
