କଲମପୁର: ଅଧାରୁ ପାଠରେ ଡୋରି ବାନ୍ଧିଥିବା ଅଥବା ପ୍ରାଥମିକ ଶିକ୍ଷା ପାଉନଥିବା ପିଲାଙ୍କୁ ବିଦ୍ୟାଳୟ ମୁହାଁ କରାଇ ବିଦ୍ୟାଳୟକୁ ଫେରାଇ ଆଣିବା ପାଇଁ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଭିନବ ପ୍ରୟାସ ଆରମ୍ଭ କରିଛନ୍ତି। ଶିକ୍ଷା ରଥ ପରିକ୍ରମା ଦ୍ୱାରା ଲୋକଙ୍କୁ ସଚେତନାତା କରାଯାଉଛି। ଏହି ରଥ ବ୍ଲକ, ପଂଚାୟତ ଏବଂ ଗ୍ରାମାଭିମୁଖି ହେଇ ଲୋକଙ୍କୁ ଶିକ୍ଷା ସମ୍ବନ୍ଧୀୟ ସଚେତନତା କରାଉଛି। ମଙ୍ଗଳବାର ଏହି ଶିକ୍ଷା ରଥ କଲମପୁର ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଠାରେ ପହଂଚିଥିଲା। ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ତଥା ସମଗ୍ର ଶିକ୍ଷା ଅଭିଯାନର ଗୋଷ୍ଠୀ ସଂଯୋଜକ ହେମନ୍ତ କୁମାର ପଣ୍ଡା, ଅତିରିକ୍ତ ଗୋଷ୍ଟୀ ଶିକ୍ଷା ଅଧିକାରୀ ଶୁସିଳ କୁମାର ମୁଣ୍ଡ, ବରଗାଁ ସାଧନ କେନ୍ଦ୍ର ସଂଯୋଜକ ମନୋଜ କୁମାର ମେହେର, ଶିକ୍ଷକ ମନ୍ମଥ କୁମାର ମିଶ୍ର, ଶମ୍ଭୁ ପ୍ରସାଦ ନାଗ, ସମୀର କୁମାର ବେହେରା, ଦେବେନ୍ଦ୍ର ନାଥ ଶବର, ଶୁସାନ୍ତ କୁମାର ପଣ୍ଡା ପ୍ରମୁଖ କର୍ମଚାରୀଙ୍କ ଉପସ୍ଥିତିରେ ଗୋଷ୍ଠୀ ଶିକ୍ଷା ଅଧିକାରୀ ମଧୁସ୍ମିତା ନାଏକ ଶିକ୍ଷା ରଥକୁ ସ୍ୱାଗତ କରିଥିଲେ। ଏହାସହ ବ୍ଲକର ୧୧ ଗୋଟି ପଂଚାୟତର ୫୫ ଖଣ୍ଡ ଗ୍ରାମ ପରିକ୍ରମା କରିବା ପାଇଁ ପତାକା ଦେଖାଇ ଶୁଭାରମ୍ଭ କରିଛନ୍ତି।
Popular Categories
Previous article
Next article