ବୌଦ୍ଧ: କୋଶଲ ରାଜ୍ୟ ସମନ୍ୱୟ ସମିତି ପକ୍ଷରୁ ଶନିବାର ଦିନ ପଶ୍ଚିମ ଓଡ଼ିଶା ବନ୍ଦ ଡାକରାରେ ବୌଦ୍ଧରେ ମଧ୍ୟ ବନ୍ଦ ପାଳନ କରାଯାଇଛି। ଏହି ବନ୍ଦ ଲାଗି ସକାଳ ୬ରୁ ସନ୍ଧ୍ୟା ୬ ପର୍ଯ୍ୟନ୍ତ ୧୨ ଘଣ୍ଟିଆ ବନ୍ଦ ଡାକାରା ଦିଆଯାଇଥିଲା। ବୌଦ୍ଧରେ କୋଶଲ ସମନ୍ୱୟ ସମିତି ପକ୍ଷରୁ ବନ୍ଦ ପାଳନ କରାଯାଇଥିଲା। ବୌଦ୍ଧ ଜିଲାର ବୌଦ୍ଧ ସହର, ବୌଦ୍ଧ ବ୍ଳକ ଓ କଂଟାମାଳ ବ୍ଳକରେ ବନ୍ଦ ସଫଳ ହୋଇଥିବା ବେଳେ ଜିଲାର ହରଭଙ୍ଗା ବ୍ଳକରେ ବନ୍ଦର ପ୍ରଭାବ ଆଦୌ ପଡ଼ିନଥିଲା। ବୌଦ୍ଧ ସହରରର ଗାଡି ଚଳାଚଳ ସଂପୁର୍ଣ୍ଣ ବନ୍ଦ ଥିବା ବେଳେ ଦୋକାନ ବଜାର, ବିଦ୍ୟାଳୟ, ସରକାରୀ ଅନୁଷ୍ଠାନ, ବ୍ୟାଙ୍କ ଗୁଡିକ ବନ୍ଦ ରହିଥିବା ବେଳେ କୋର୍ଟ କାର୍ଯ୍ୟ ସ୍ୱାଭାବିକ ରହିଥିଲା। କିନ୍ତୁ ହରଭଙ୍ଗା ବ୍ଳକରେ ସମସ୍ତ ଦୋକାନ ବଜାର ଖୋଲା ରହିଥିବା ବେଳେ ବିଦ୍ୟାଳୟ ମହାବିଦ୍ୟାଳୟ, ସରକାରୀ କାର୍ଯ୍ୟାଳୟ, ବ୍ୟା୍ଙ୍କ ଓ କୋର୍ଟ କାର୍ଯ୍ୟ ସ୍ୱାଭାବିକ ରହିଥିଲା।
Popular Categories
Previous article
Next article