ସିଡନୀ . – ଆଣ୍ଡାମାନ ନିକୋବରରେ ବସବାସ କରୁଥିବା ଆଦିମ ଅଧିବାସୀ ସେଣ୍ଟିନେଲ୍ୟମାନଙ୍କୁ ଆଷ୍ଟ୍ରେଲିଆର ସିନେଟର ପାଉଲିନେ ହାନସନ୍ ସମର୍ଥନ କରିଛନ୍ତି । ଏହି ଆଦିମ ଅଧିବାସୀ ନିଜର ସଂସ୍କୃତିକୁ ବଞ୍ଚାଇ ରଖିବା ପାଇଁ ଚେଷ୍ଟା କରୁଛନ୍ତି । ସେମାନଙ୍କର ଜୀବନରେ ଅଯଥା ଭାବେ ହସ୍ତକ୍ଷେପ କରିବା ଉଚିତ୍ ନୁହେଁ ବୋଲି ,ସେ କହିଛନ୍ତି ।
ସେଣ୍ଟାନିଲୟମାନଙ୍କର ତୀରମାଡରେ ସେଠାରେ ବେଆଇନ ଭାବେ ପ୍ରବେଶ କରିଥିବା ଆମେରିକୀୟ ପର୍ଯ୍ୟଟକ ଜନ୍ ଚାଉଙ୍କର ମୃତ୍ୟୁ ହୋଇଥିଲା । ଜନ୍ ଚାଉ ସେମାନଙ୍କୁ ଖ୍ରୀଷ୍ଟ ଧର୍ମର ଦୀକ୍ଷିତ କରେଇବା ପାଇଁ ଯାଇଥିଲେ । ପ୍ରଥମଥର ସେଣ୍ଟାନିଲୟମାନଙ୍କ ଆକ୍ରମଣରୁ ବର୍ତ୍ତିଯାଇଥିବା ବେଳେ ଦ୍ୱିତୀୟ ଥର ସେ ତୀର ମାଡରେ ମୃତ୍ୟୁ ବରଣ କରିଥିବା ସେଠାକୁ ତାଙ୍କୁ ବେଆଇନ ଭାବେ ନେଇଯାଇଥିବା ମତ୍ସଜୀବୀମାନେ କହିଥିଲେ । ହେଲେ ପୁଲିସ ତାଙ୍କର ମୃତ ଦେହକୁ ଠାବ କରି ପାରି ନାହିଁ । ପୁଲିସ ଚାଉଙ୍କର ମୃତ ଦେହକୁ ଠାବ କରିବାକୁ ଯାଇଥିବା ବେଳେ ତୀର ଧରି ସେଣ୍ଟାନିସୟମାନେ ସମୁଦ୍ର କୂଳରେ ଛିଡା ହୋଇଥିଲେ । ଦୂରରୁ ପିଲିସ ଏହା ଦେଖି ପଳାଇ ଆସିଥିଲେ ।
ଆଣ୍ଡାମାନର ଉତ୍ତର ସେଣ୍ଟାନିଲ୍ ଦ୍ୱୀପରେ ଏହି ଆଦିମ ଅଧିବାସୀ ବସ ବାସ କରନ୍ତି । ବାହାରର କୌଣସି ଲୋକଙ୍କୁ ସେମାନେ ଏହି ଦ୍ୱୀପରେ ପ୍ରବେଶ କରିବାକୁ ଦିଅନ୍ତି ନାହିଁ । ଭାରତ ସରକାର ବି ଏଠାରେ ବାହାର ଲୋକଙ୍କର ପ୍ରବେଶକୁ ନିଷେଧ କରିଛନ୍ତି ।
