ଆଠଗଡ : ଆଠଗଡ ବ୍ଲକ ଅନ୍ତର୍ଗତ ଖୁଣ୍ଟୁଣୀସ୍ଥିତ ରାଧାନାଥ ନୋଡାଲ ବିଦ୍ୟାପୀଠର ପ୍ରଧାନଶିକ୍ଷକଙ୍କୁ ଅସଦାଚରଣ ଓ ଆକ୍ରମଣକୁ ଓଡିଶା ମାଧ୍ୟମିକ ସ୍କୁଲ ଶିକ୍ଷକ ସଂଘର ଆଠଗଡ ଶାଖା ପକ୍ଷରୁ ତୀବ୍ର ନିନ୍ଦା କରାଯିବା ସହ ଅଭିଯୁକ୍ତଙ୍କ ବିରୋଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରି ଏକ ସ୍ମାରକପତ୍ର ଆଠଗଡ ବ୍ଲକ ଶିକ୍ଷାଧିକାରୀଙ୍କୁ ପ୍ରଦାନ କରାଯାଇଛି। ସୂଚନା ଥାଉକି ଗତ ୯ତାରିଖରେ ରାଧାନାଥ ନୋଡାଲ ବିଦ୍ୟାପୀଠର ପ୍ରଧାନ ଶିକ୍ଷକ ସୌମେନ୍ଦ୍ର କୁମାର ପଣ୍ଡାଙ୍କୁ ଜନୈକ ବ୍ୟକ୍ତି ତାଙ୍କ କାର୍ଯ୍ୟାଳୟରେ ପଶି ଦୁର୍ବ୍ୟବହାର ଓ ମାଡ ମରା ଭଳି ଅଭାବନୀୟ ଘଟଣା ଏ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । ସଂଘର ଆଠଗଡ ଶାଖା ସଭାପତି ଶରତ କୁମାର ନାୟକଙ୍କ ଅଧ୍ୟକ୍ଷତାରେ ସ୍ଥାନୀୟ ରଘୁନାଥ ମନ୍ଦିର ପ୍ରାଙ୍ଗଣରେ ଶୁକ୍ରବାର ଅନୁଷ୍ଠିତ ବୈଠକରେ ଯୋଗଦେଇଥିବା ସମସ୍ତ ଶିକ୍ଷକ ଏକ ସ୍ୱରରେ ଏହି ଘଟଣାକୁ ନିନ୍ଦା କରିଥିଲେ । ଏଥିପାଇଁ ଏକ ନିନ୍ଦା ପ୍ରସ୍ତାବ ଆଗତ କରାଯିବା ସହ ଶିକ୍ଷକମାନଙ୍କ ସୁରକ୍ଷା ଦାବି ସହିତ ଉକ୍ତ ଘଟଣାର ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରି ଏକ ସ୍ମାରକପତ୍ର ବ୍ଲକ ଶିକ୍ଷାଧିକାରୀ ବିଜୟଲକ୍ଷ୍ମୀ ସାମଲଙ୍କୁ ପ୍ରଦାନ କରାଯାଇଥିଲା । ଏହି ବୈଠକରେ ସଂପାଦକ ଶିବପ୍ରସାଦ ବିଶ୍ୱାଳ ଉପସଭାପତି ସୌଭାଗିନୀ ସାମନ୍ତରାୟ, ପ୍ରାଥମିକ ଶିକ୍ଷକ ସଂଘର ଆଠଗଡ ସଭାପତି କିଶୋର ଚନ୍ଦ୍ର ବେହେରା, ସଂପାଦକ ଦେବୀ ପ୍ରସାଦ ମିଶ୍ର, ଏନପିଏସ୍ ସଂଘର ସଂପାଦକ ସରିତା ମିଶ୍ର, ସଭାପତି ଚାରୁ ଚନ୍ଦ୍ର ବେହେରା, ନିହାରିକା ବିଶ୍ୱାଳ, ମାନସ କୁମାର ସାହୁ, ହରପ୍ରସାଦ ବେହେରା, ଆଶିଷ କୁମାର ରାଉତରାୟ, ଦିିପ୍ତୀରଞ୍ଜନ ବେହେରା ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ଯୁଗ୍ମସଂପାଦକ ସନ୍ତୋଷ କୁମାର ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article