ସମ୍ବଲପୁର: ସହରର ଉପକଣ୍ଠସ୍ଥ ଭାଲୁପାଲି ସ୍ଥିତ ରାଧାରାଣୀ ବିହାର ଠାରେ ନୁଆଁଖାଇ ଭେଟଘାଟ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ମାଁ ସମଲେଶ୍ୱରୀଙ୍କ ନିକଟରେ ଦୀପ ପ୍ରଜ୍ୱଳନ କରି ପୂଜାର୍ଚ୍ଚନା ପରେ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା। ଏଥିରେ ମୁଖ୍ୟ ଅତିଥି ରୂପେ ବରିଷ୍ଠ ବିଜେଡି ନେତା ଦେବେନ୍ଦ୍ର କିଶୋର ପତି ଯୋଗ ଦେଇଥିଲେ। ଆୟୋଜନ କମିଟିର ସଭାପତି ବିଦ୍ୟାଧର ପ୍ରଧାନ ଓ ସମ୍ପାଦକ ଶରତ କୁମାର ପଟ୍ଟନାୟକ ମଞ୍ଚାସୀନ ରହିଥିଲେ। ନୁଆଁଖାଇର ମହତ୍ୱ ଓ ଉଦ୍ଦେଶ୍ୟ ଉପରେ ବକ୍ତା ମାନେ ନିଜସ୍ୱ ବକ୍ତବ୍ୟ ରଖିଥିଲେ। ଅଞ୍ଚଳର ବୟୋଜ୍ୟେଷ୍ଠ ବ୍ୟକ୍ତି ରୂପେ ତ୍ରିବିକ୍ରମ ଦାସ ଓ କିଶୋର କୁମାର ସିଂଙ୍କୁ ନୁଅାଁଖାଇ ଭେଟି ସମ୍ମାନ ପ୍ରଦାନ କରାଯାଇଥିଲା। ଛୋଟ ଛୋଟ ଶିଶୁ କଳା ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ସାଂସ୍କୃତିକ କାର୍ଯ୍ୟକ୍ରମକୁ ପ୍ରିତି ମିଶ୍ର ପରିଚାଳନା କରିଥିଲେ। କାର୍ଯ୍ୟକ୍ରମର ଆରମ୍ଭ ସମୟରେ ଦିବଙ୍ଗତ ସଦସ୍ୟ କୂଳମଣି ସୁନାଙ୍କ ଉଦ୍ଦେଶ୍ୟରେ ୨ ମିନିଟର ନୀରବ ପ୍ରାର୍ଥନା କରାଯାଇଥିଲା। ସମଗ୍ର କାର୍ଯ୍ୟକ୍ରମକୁ ଆୟୋଜନ ଓ ପରିଚାଳନାରେ ରାଧାରାଣୀ ବିହାର ସୋସାଇଟିର ସମସ୍ତ ସଦସ୍ୟ ଓ ସଦସ୍ୟା ସକ୍ରିୟ ସହଯୋଗ କରିଥିଲେ। ଶେଷରେ ସହ ସମ୍ପାଦକ ନିଶିକାନ୍ତ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article