ସମ୍ବଲପୁର: ପଶ୍ଚିମ ଓଡ଼ିଶାରେ ବିଦ୍ୟୁତ ବିତରଣ କରୁଥିବା କମ୍ପାନୀ ଟାଟା ପାୱାର ପକ୍ଷରୁ ଶନିବାର ପୂର୍ବାହ୍ନରେ ସାମାଜିକ ଦାୟିତ୍ୱ ବୋଧ କାର୍ଯ୍ୟକ୍ରମ କ୍ରମରେ ସମ୍ବଲପୁର ସହରର ଜେଲଖାନା ଛକ ଠାରେ ଜନତାଙ୍କ ପାଇଁ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ କରାଯାଇଛି। ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ କାହ୍ନୁଚରଣ ବାନରା, ଟାଟା ପାୱାର ଅଧିକାରୀ ରାହୁଲ କୁମାର, ରାଜୀବ ରଞ୍ଜନ, ବିଭାଗୀୟ ଅଧିକାରୀ, କର୍ମଚାରୀ ଓ ଜିଲା ସ୍କୁଲର ଏନସିସି ଛାତ୍ର ମାନେ ଏଥିରେ ସାମିଲ ହୋଇଥିଲେ। ଯାନ ଚାଳକ ମାନଙ୍କୁ ଫୁଲ ଓ ଚକଲେଟ ପ୍ରଦାନ କରି ସଡକ ସୁରକ୍ଷା ପ୍ରତି ସଚେତନ କରାଇଥିଲେ। ମୁଖ୍ୟ ଅତିଥି ଶ୍ରୀ ବାନରା ଗାଡି ଚଳାଇବା ସମୟରେ ସର୍ବଦା ଟ୍ରାଫିକ ନିୟମ ମାନିବା, ମୋବାଇଲ ଫୋନର ବ୍ୟବହାର ନ କରିବା, ଉତ୍ତମ ମାନର ହେଲମେଟ ତଥା ସିଟ ବେଲ୍ଟର ବ୍ୟବହାର ପାଇଁ ଜନତାଙ୍କୁ ଅନୁରୋଧ କରିଥିଲେ। ଟାଟା ପାୱାର ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମକୁ ଅରୁଣା ମାରାଣ୍ଡି ସଂଯୋଜନା କରିଥିବା ବେଳେ ବିଶ୍ୱଜିତ ଭୋଇ, ରୋଜାଲିନ ପଣ୍ଡା, ରାଜୀବ କୁମାର ବେହେରା, ଅବିନାଶ ମିଶ୍ର ଓ ଅନ୍ୟ କର୍ମଚାରୀ ମାନେ ସକ୍ରିୟ ସହାୟତା କରିଥିଲେ। ସମ୍ବଲପୁର ସମେତ ଆଜି ଦେବଗଡ଼ ଓ ଭବାନୀପାଟଣା ସହରରେ ମଧ୍ୟ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ କରାଯାଇଛି ବୋଲି ଟାଟା ପାୱାର ପକ୍ଷରୁ ସୂଚନା ଦିଆଯାଇଛି।
Popular Categories
Previous article
Next article